LANKA JHOTHISHA ARANA ලංකා ජ්‍යොතිෂ අරණ

ජ්‍යොතිෂය පිලිබඳ වැටහීමක් ඇති හා නැති සියළු ලාංකීය හා විදේශීය සිංහල ජනයා වෙනුවෙන් සකසන ලද මෙම බ්ලොග් අඩවියේ සැරිසැරීමට ඔබ සැමට සුහද ආරාධනා.

Tuesday, January 7, 2014

ග්‍රහ අපල සදහා ප්‍රතිකර්ම - සදු අපලයට

  ජ්‍යොතිෂයේදී සදු ග්‍රහලොව මව් ලෙස සලකයි.ස්ථිර තත්ත්වයට මෙන්ම චංචල තත්ත්වයටද බලපෑම ඇති කරන සදුට අන් ග්‍රහයන්ට වඩා වේගවත් ගමනක් ඇත.පලාඵල කථනයේදී සදු ගැන පරීක්ෂාව ඉතා ප්‍රෙව්ශමෙන් කල යුතුය.නැතහොත් පලාඵල වරදී.
     සදු දුබල වීමෙන් වැඩිපුරම බලපෑම් ඇති කරන්නේ සෞඛ්‍ය හා මානසික තත්ත්වයටය.උපතේදී හා ගෝචර ගමනේදී ඇතිවන සදු දුබලතාවෙන් බලපාන අපල කරදර වලින් ආරක්ෂා වීමට හා එම අපල අඩු කර ගැනීමට පුරාතනයේ සිටම ජ්‍යොතිෂ පිළිවෙත් නියම කොට ඇත.ඉන් කිහිපයක් පහත දැක්වේ.

  * පුර පසලොස්වක දිනට පෙර හා පසු සතියක කාලය තුල සුදු මල් පූජා කොට බෝධි පූජා කිරීම
  * සමන් හා පත්තිනි දෙවියන්ට බාර හාර පුද පූජා කිරීම,සෙත් කවි කියවා සෙත් පැතීම කිරි මව් දානය දීම
  * දිඹුල් වෘක්ෂයට සාත්තු නිරීම ස්පර්ෂ කිරීම සෙවනේ සිටීම
  * සුදු වස්ත්‍ර දන්දීම
  * උණ,සෙම්ප්‍රතිශ්‍යාව වැනි ආසාදනහකට ලක්ව නැති අවස්ථාවක කිරි,දී කිරි,ගෝ මුත්‍ර,ගොම ඇත් දත්,සක් බෙල්ලන් තම්බා වතුර ස්නානය කිරීම.
  * ශාන්න මංගල බලිය ඇරීම
  * ස්කන්ධය ,පෘෂ්ථිය ඡේදනය,විශාලත්වය හා පිහිටුවීම නිසි ලෙස වූ මුතු, දියමන්ති ඇල්ලූ ආභරණ පැලදීම
  * රතන යන්ත්‍රය පැලදීම

9 comments:

  1. සඳු අපලය කියලා හරියටම ගන්න පුළුවන් මන කාලයද?ජන්ම කේන්ද්‍රයේ සඳු නීචව,නැත්නම් පාපයෙක්ගේ දෘෂ්ටි එක්ක ඉන්නකොට සඳුගේ දශාවක්,නැත්නම් අන්තර් දශාවක් ලබන එකද?එහෙම නැත්නම් සඳුගේ ගෝචර ගමන කියන එක බලලද?(මං තාම ජෝතිෂ්‍යය කියවන බැවින් සරලව පිළිතුරු දුන මැනවි)www.amuthusithuwili.wordpress.com

    ReplyDelete
    Replies
    1. ඔබගේ ගැටළුව ජ්‍යොතිෂය ඉගෙන ගන්නා කාලයේ මා හටත් ඇතිවූවක්.සදු ගෝචර ගමනින් සුභ හා අසුභ ගෙන දෙන කාලයන් ඉතා කෙටි නිසා සදුගේ අපල කාලයන් සදහා සදුගේ මහ දශා හා උපන් කේන්ද්‍රෙය් සදු බල දුබලතා වැඩියෙන් සලකා බැලේ.

      Delete
  2. 1) සෙනසුරු අපලයට නුග ගසට සාත්තු කිරීම,නුග ගස් යට ඉදීම හොදයි කියා මා අසා තිබෙනවා. ලංකාවේ මාගේ ගෙදර තියෙන ඉඩමේත් නුග ගසක් තිබෙනවා. මා එම නුග ගස ඉවත් කරන්න හදලත් ඉවත් කලේ නෑ,සෙනසුරු අපල වලින් යම් ප්‍රමාණයකට හෝ මග හැරීමට එම ගස ප්‍රමාණවත් වේ යැයි කියා පවසන නිසා.
    එහි ඇත්තක් තිබේද?

    2)ඊළගට මහත්මයා, ඔබේ සටහනේ තිබෙනවා 'උණ,සෙම්ප්‍රතිශ්‍යාව වැනි ආසාදනහකට ලක්ව නැති අවස්ථාවක කිරි,දී කිරි,ගෝ මුත්‍ර,ගොම ඇත් දත්,සක් බෙල්ලන් තම්බා වතුර ස්නානය කිරීම.' කියලා. මේක අප්‍රසන්න නැද්ද? මම මේ නොදන්නා කමකටයි අසන්නේ, ශාස්ත්‍රයට අගෞරව කිරීමට එහෙම නොවේ.

    3) ඊයේ රාත්‍රියේ මා දුටුවා නාලිකාවක ජෝතිෂ්‍ය මහතුන් හතර දෙනෙක් පැමිණ අනාවැකි පළකරනවා. මා මේ ශාස්ත්‍රය ගැන උනන්දුවක් දක්වන නිසා ඒ උදවිය දන්නවා.පියසේන රතුවිතාන මහතා, මංජුල පිරිස් මහතා,චන්ද්‍රසිරි බණ්ඩාර මහතා සහ තවත් මහතෙක්.

    ඔවුන්ගෙන් රතුවිතාන මහතා සහ අර අනික් මහතා කීවා 2014 නොවැම්බර් වලින් පසු මහමැතිවරණයක් හෝ ජනාධිපතිවරණයක් එනවා කියලා.චන්ද්‍රසිරි මහතා කිවේ 2014 අප්‍රේල් වලට කලින් ජනාධිපතිවරණයක් එනවා කියලා. ඒ වගේම රතුවිතාන මහතා කි කරුණු වලින් මට වැටහුනේ 2015 වන විට රටේ යම්කසි වෙනසක් (පාලනයේ?) සිදුවෙය කියලා.

    ඔබගේ අදහස කුමක්ද මහත්මයා මේ ගැන? පිළිතුරක් ලබා දෙන්න,ඔබට කාල වෙලාව තිබේ නම්.

    ස්තුතියි.
    -Nathan-

    ReplyDelete
    Replies
    1. 1) ශනි අපල සදහා ප්‍රතිකර්ම නුග ගස ආශ්‍රිතව සඳහන්ව ඇත.නමුත් නුග හා නා ගස් ආරණ්‍ය,පන්සල් ආශිතව මිස ලෞකික ජීවිත ගත කෙරෙන ගෘහයන්ට නුසුදුසු බව ඇතැම් තැන්වල සඳහන්ය.
      2) කතාව ඇත්ත..නමුත් මා සඳහන් කලේ සාස්ත්‍රීය පිළිවෙතක්..
      3) පිළිතුරු නොදෙමි (නිහඩයි)

      Delete
    2. අනේ මං මෙහෙම දාලා වැඩි පණ්ඩිතකමක් වෙන්න එපා කියා පතනවා.මාගේ ගැටලුවට පිළිතුරු දීම ගැන පිං.
      අර ගව මුත්‍ර හා ගොම ජලය හා එක්කර නෑම කියන එක අද කරද්දි පරෙස්සමින්.මොකද ඒ කාලේ ඉන්දියාවේ හරක් අද වගේ ඕන්නැති හැම එකම කෑවෙ නෑ.පිරිසිදු දේවල් විතරක් කන හරකෙක්ගෙන් ඒවා ගන්න පුළුවන් නම් ගැටළුවක් නෑ.
      www.amuthusithuwili.wordpress.com

      Delete
  3. මෙක මට වටිනවා මට කිවුව‍ෙ සුදු නෙලුම් චෛත්‍යට පූජා කරන්න කියලනෙ..

    ReplyDelete
  4. ගෝ මුත්‍ර,ගොම යොදා ස්නානය දැන් නොකරන බව මාගේ හැඟීමයි. ඉතා ඉක්මනින්ම රාශි අතර ගමන් ගන්නා ග්‍රහයා සඳු වන නිසාද, සඳුගේ ගෝචරය අනුවද දින පතා ලග්න පලාපල කිව හැකි වන්නේ. පුර පසලොස්වක දිනට පෙර හා පසු සතියක කාලය තුල යනු පුර පසළොස්වක අදාළ නැතිද ?

    ReplyDelete
    Replies
    1. පුර පසළොස්වක දිනයද ඇතුළුවයි

      Delete
  5. just check

    http://kumajc.blogspot.com

    if you can let others aware of this

    ReplyDelete

Related Posts Plugin for WordPress, Blogger...