LANKA JHOTHISHA ARANA ලංකා ජ්‍යොතිෂ අරණ

ජ්‍යොතිෂය පිලිබඳ වැටහීමක් ඇති හා නැති සියළු ලාංකීය හා විදේශීය සිංහල ජනයා වෙනුවෙන් සකසන ලද මෙම බ්ලොග් අඩවියේ සැරිසැරීමට ඔබ සැමට සුහද ආරාධනා.

Monday, December 31, 2012

වස් කවිය

 “එලිස නැන්දේ ගුණතුංග ගෙදර ඉන්නවද?“
  කුඩා නිවසේ ගෙමිදුලට වී ඩේවිඩ් මුදලාලි දොරකඩ සිටි එලිස ආච්චීගෙන් ඇසුවේය.
 ආච්චි පිළිතුරු දීමටත් ප්‍රථම  නිවස ඇතුලේ සිටි  ගුණතුංග ඩේවිඩ් මුදලාලි ඉදිරියට ආවේය.
 “ආ....මොකක්ද දන්නේ නෑ උවමනාව“
  ගුණතුංගේ ප්‍රතිචාරය ඹහුගේ සුපුරුදු ක්‍රමයටම විය.තම ගම්මානයේ අසල්වැසි ඥාතී හිතවතුන් සමඟ නමින් අමතා කතා කිරීමක් ඔහු තුල නොවුනි.එලිස ආච්චි තරමක් එහාට මෙහාට වනතුරු සිටි ඩේවිඩ් මුදලාලි

Sunday, December 16, 2012

ආවර්තනය - 9


නිබ්රූ සෙන්පතියතු වූ “සුවාර්‘ ගේ නායකත්වයෙන් පස් දෙනෙතුගෙන් සමන්විතව ඉරණවිලට ගොඩබෑ නිබෘෘ යානය ප්‍රමානයෙන් බස් රථයක් පමණ විය.මෙවැනිම තවත් නිබෘෘ යානා දෙකක් පෘථිවියේ තවත් ස්ථාන දෙකකට ගොඩ බාන ලද්දේ පෘථිවිය විනාශ කිරීමට නිබෘෘවරුන් සිදු කරන මෙහෙයුමේ නිරීක්ෂණ කටයුතු වෙනුවෙනි.
    නිබෘෘ තාක්ෂණය යොදා තම යානාව අදෘෂ්‍යමාන තත්ත්වයට පත් කල සුවාර් තම අත රැදි උපකරණය දෙස මද වෙලාවක් බලා සිටියේය.එහි දර්ශන තිරයෙන් ග්‍රාහකය පෘථිවියේ ගැටීමේදී සිදුවන විනාශයේ පැතිරීම සුවාර්ට අවබෝධ විය.දිගු හුස්මක් හෙලමින් තමා අවට පරිසරය දෙස බැලූ සුවාර්ට පෘථිවියේ චමත්කාරය පිළිබඳ අමුතු ආකාරයේ ලෙන්ගතු බවක් දැනුනි.තමාගේ උරහිසේ දැවටුනු තුරුලතාවක් ඉතා ආදරයෙන් පිරිමැද එදෙස සානුකම්පිත බැල්මක් හෙලීය.

Friday, December 14, 2012

ආවර්තනය - 8



             ආවර්තනය - 1
             ආවර්තනය -2
             ආවර්තනය - 3
             ආවර්තනය - 4
             ආවර්තනය - 5
             ආවර්තනය - 6
             ආවර්තනය - 7


තමන් ඇතුළු පිරිස මහත් වූ වෙහෙසක් ගෙන සොයා ගත් රාවණා රජුගේ සිහිසුන් සිරුර තැන්පත් කළ සිසිළ කාරක කුටීරය පිටසක්වලින් පැමිණි රාජකීය සෙබලුන් පැහැර ගැනීම පිළිබදව විමලසූරියට පුදුමයක් දැනුනත් කනගාටුවක් නොදැනුනි.නිධන් කොල්ලයට පැමිණි "වානක්‍ය ශට්" බමුණාගෙන් පළිගු මැණික නැවත ලබා ගැනීමට උදවු කිරීම හා තම කණ්ඩායම ආරක්ෂා කිරීම නිසා ඹවුන් පැමිණියේ මිතුරු කමකට බව විමලසූරියට අවබෝධ විය.

Saturday, December 8, 2012

2012 අ.පො.ස. සා/පෙළ විභාගයට පිටත්වීමට සුභ නැකැත්


  මෙවර අධ්‍යාපොදු සහතික පත්‍ර සාමාන්‍ය පෙළ විභාගය ආරම්භ වන්ේ 2012 දෙසැම්බර් 11 වැනි අඟහරුවාදා දිනයෙනි.මෙදින විභාගය සඳහා නිවසින් පිටත්වීමට සුභ නැකැත් ේලා කිහිපයක් පහත දැක්.
  
   උ07.26 හා 7.50 ේලාවන් සුභදායක ේලාවන් ලෙස දැක්විය හැකි අතර දුර බැහැර වැඩි හා වැඩි ගමන් කාලයක් ගතවන විභාග අේක්ෂකයන් සඳහා උේ 6.26 හා 6.38 ේලාවන්ද ොදා ගත හැකිය.

 සුභ දිශාව - ඊශාන ෝ නැගෙනහිර 

Tuesday, November 27, 2012

කටේ සැර


කටේ සැර
 වර්තමානයේ බොහෝ අඹු සැමි ආරවුල් වලට මුල් වන්නේ අමිහිරි වචන භාවිතයයි.කටසැර භාර්්‍යාවන් එම සැර වචන නවත්වන්නේ කටේ දත් දෙක තුනක් ගළවා ගැනීමෙන් පසුවය.පිහියෙන් අනින්නාක් මෙන් සැර වචන භාවිතා නොකරන කාන්තාවක් සොයා ගැනීම පවා අද අසීරු වී ඇත්තේ වත්මන් කාන්තාවන් ගෙල පලදින ආභරණයක් මෙන්  “සැර කට“ නිරන්තරයෙන් භාවිතා කිරීමයි.ඇතැම් කාන්තාවන් කට වසා සිටින තෙක් ශාන්තය,දාන්තය එහෙත් කට ඇරියොත් යක්ෂනියන්ය.පලාතම විනාශය.

Sunday, October 28, 2012

"ජ්වල මුඛී" යෝගය

  තිථිය හා නැකත සංයෝග වීමෙන් යෙදෙන "ජ්වල මුඛී" නම් අසුභ යෝගය ආකාර පහකින් යෙදේ.ඒ අනුව යම් වේලාවක
  1) පෑලවිය තිථිය හා මුල නැකත
  2) විසේනිය තිථිය හා බෙරණ නැකත
  3) අටවක තිථිය හා කැති නැකත
  4) නවවක තිථිය හා රෙහෙණ නැකත
  5) දසවක තිථිය හා අස්ලිස නැකත
      යෙදී ඇති විට "ජ්වල මුඛී" යෝගය  උදාවේ.
 අසුභ යෝගයක් ලෙස සදහන්ව ඇති මෙම "ජ්වල මුඛී" යෝගයෙන් උපන් අය අල්පායුෂ ඇති බවත් ජීවත් වුවත් ශාරීරික හා මානසික දුබලතා වලින් යුක්ත වූවන් විය හැකි බව ජ්‍යොතිෂයේ සදහන්ය.

 සුබ මුහුර්ත සෑදීමේදී මෙම යෝගය අත්හල යුතු බවත් විශේෂයෙන් සදහන් කොට ඇත.
 මෙම යෝගය යෙදී තිබියදී
   * සුබ ගමන් යෑම
   * විවාහ හා නිවාස නැකැත් ගැනීම
      නොකළ යුතු බව සදහන්ය.

Wednesday, October 17, 2012

දළ ජන්ම කේන්ද්‍රයක් නිවැරදිව සාදන අයුරු උගනිමු - හතරවන කොටස

  9 වෙනි පාඩම (නවාංශකයට චන්ද්‍රයා පිහිටුවීම,නැකැත් පාද සෙවීම හා දශා අපහරණය ගැනීම.)

Monday, October 15, 2012

දළ ජන්ම කේන්ද්‍රයක් නිවැරදිව සාදන අයුරු උගනිමු- තුන්වන කොටස

    7 වෙනි පාඩම

මෙම 7,8 පාඩම් වලට අවශ්‍යවන පඤ්චාංග හා වෙනත් සටහන් පහලින් දක්වා ඇත.

Saturday, October 13, 2012

දළ ජන්ම කේන්ද්‍රයක් නිවැරදිව සාදන අයුරු උගනිමු- දෙවන කොටස

 මෙහි පලමු කොටසින් ජන්ම ලග්නය සෙවීම දක්වා (5 පාඩම දක්වා) ඉදිරිපත් කරන ලදී.6 වැනි පාඩම වෙන් වන්නේ ලග්නයේ ග්‍රහයන් පිහිටවීම සදහාය.වසර 45 කට පමන පෙර සකස් කර ඇති මෙම පාඩම් මාලාව එකල භාවිතා වූ ජනප්‍රියම පඤ්චාංග ලිත වූ "ඈපා පඤ්චාංග ලිත"  අනුව සකසා ඇත.

Friday, October 12, 2012

දළ ජන්ම කේන්ද්‍රයක් නිවැරදිව සාදන අයුරු උගනිමු- පළමු කොටස

    දළ ජන්ම කේන්ද්‍ර සටහනක් නිවැරදිව සාදා ගන්නා ආකාරය පිළිබදව මාගේ පියා විසින් මීට වසර 45 කට පමණ පෙර සාදන ලද පාඩම් මාලාවක් කොටස් කීපයක් ලෙස බ්ලොග් අඩවියේ පල කිරීමට සිතුවෙමි.වටිනා ශාස්ත්‍ර කරුණු මෙලෙස ලාබෙට දීමෙන් යම් මට්ටමකින් ශාස්ත්‍රීය අගෞරවයක් වුවත් දිගු කාලයකින් කිසිවෙකුට ප්‍රයෝජනයක් නොමැතිව දිරාපත් වී යාම ඊටත් වඩා අයහපතක් වීම හා ‍ජන්ම පත්‍රය සෑදීම සදහා ගණිතමය සිද්ධාන්ත පාදක වී ඇති ආකාරය ජ්‍යොතිෂය ගැන වැටහීමක් නැති අයට යම් තරමකින් හෝ වැටහීමක් ලබා දීමේ අරමුණින් මෙය පල කරමි.

Sunday, August 26, 2012

200

            මාතෘකාව දැක්කම පෝස්ට් එක මොකක් ගැනද කියන එක කාටත් තේරෙනවා ඇතිනේ...ඔව් මටත් නොදැනීම මගේ බ්ලොග් එකේ ලිපි දෙසීයක්(200) මම ලියලා.....හරිම සතුටුයි...ඉතින් අන්න ඒ සතුට භුක්ති විදින්නත් එක්ක පොඩි සද්දයක් එහෙම දාලා ඒ වගේම හිතේ සතුට අකුරු කරලා පෙන්නන්න තමයි මේක ලියන්නේ...

සර්ප යෝගය

  සර්ප යෝගය
        නාභස යෝග යටතේ වූ දළ යෝග දෙකෙන් එක් යෝගයක් වූ සර්ප යෝගය පිළිබදව සිංහල ජ්‍යොතිෂ පොත් පත් වල වැරදි අර්ථ දැක්වීම් දක්වා ඇත.ඇතැම් සිංහල ජ්‍යොතිෂ පොත් පත් වල හා සිංහලයට පරිවර්තිත පොත් වල සර්ප යෝගය අර්ථ දක්වා ඇත්තේ
  "සියළු පාප ග්‍රහයන් පමනක් කේන්ද්‍රස්ථාන ගතව සිටීම" ලෙසයි.

Saturday, August 25, 2012

පංචාංග ලිත් වල දක්වා ඇති පංචාංග ශුද්ධිය සලකා ඇති ආකාරය පිළිබදව ජ්‍යොතිෂවේදීන් දැන සිටිය යුතුමය.

      සුභ නැකැත් දින තේරීමේදී එකිනෙකට වෙනස් පඤ්චාංග ලිත් භාවිතා කරන දෛවඥයන් එකිනෙකට වෙනස් සුභ නැකැත් දින තේරීමත් එක් අයෙකු තේරූ සුභ නැකැත් දිනයක් අනෙකා අසුභ දිනයක් ලෙසදැක්වීමත් නිසා ජ්‍යොතිෂය ගැන උනන්දුවක් ඇති නමුත් ලොකු අවබෝධයක් නැති සාමාන්‍ය ජනයා මින් විශාල අසීරුතාවකට පත්වන අතර ජ්‍යොතිෂය ගැන ඔවුන් අතර ඇති විශ්වාසය පළුදු වීමටද මෙය හේතුවක් වී ඇත.

Monday, August 20, 2012

"පඤ්ච විධි භූමි ශුද්ධිය"

 මිනිස් වාසයෙන් තොරව වැඩි කාලයක් තිබූ ඉඩම් වල,සොහොන් පිට්ටනි වල මුඩු ඉඩම් වල පවත්නා දෝෂ සහිත බව මූසල බව අමුතුවෙන් හැදින්විය යුතු නැත.යම් භූමියක් මිනිසා වාසයට උචිත ලෙස නිරන්තරයෙන් පිරිසිදු කිරීමේ ක්‍රම හා චාරිත්‍ර විදි පැරැන්නෝ භාවිතා කලහ.
  භූමිය ශුද්ධ කිරීම පිණිස වූ "පඤ්ච විධි භූමි ශුද්ධිය" නම්වූ විධි ක්‍රම 5ක් ඉපැරණි වාස්තු විද්‍යා පොත්පත් වල සදහන්ය.
  "සම්මාජිනෙනාකූජනෙන
   ශෙකනොලෙලඛනෙනච
   චවාංච සන්තිවාසේන
   භූමි ශිධ්‍යති පඤචභිඃ

විවිධ ක්‍රම වලින් භූමිය ඇමදීම,ඖෂධ පැළ සිටුවීම ඖෂධ ගැල්වීම,ඖෂධ ජලය ඉසීම,ගවයන් වාසය කරවීම මෙම පඤච විධ භූමි ශිද්ධියයි.

Sunday, August 19, 2012

ස්ත්‍රී පුරුෂ දෙදෙනාම පවුලේ වැඩිමල් දරුවන් වීම විවාහයට අසුභද?


 විවාහපේක්‍ෂිත ස්ත්‍රී පුරුෂ දෙදෙනාම පවුලේ වැඩිමහල් අය වීම විවාහයට අසුභ බවට මතයක් පුරාතනයේ සිටම අප අතර ඇත.තුන් කුළුදුල් දෝෂය ලෙස වචන දක්වා ඇති මෙහි ජ්‍යොතිෂමය පදනමක් තිබේදැයි සලකා බැලීම වටී.
 කටවහරේ ඇති ආකාරයට තුන් කුළුදුල් වීම සලකා ඇති අයුරු විමසා බලමු.
 * දරුවා පියා හා පියාගේ පියා යන තිදෙනාම පවුලේ වැඩිමලා වීම( මෙහිදී තුන් කුළුදුල් බවට පත්වන්නේ දරුවායි.පිය පාර්ශ්වයෙන් මෙම තුන් කුළුදුල් විම දක්වා ඇත.
 * පියා,මව, හා දරුවා යන තිදෙනාම පවුලේ වැඩිමලා වීම(වර්තමානයේ මුල්බැස ඇති තුන් කුළුදුල් ක්‍රමය මෙයයි.)

Wednesday, August 15, 2012

"ශකට" හා "සකට" යෝග

ජ්‍යොතිෂයේ භාවිතා වන විවිධ යෝග අතරින් "ශකට" හා "සකට" යනුවෙන් යෝග දෙකක් පවතී.එකම ආකාරයකින් ශබ්ද වුවත් මෙම යෝග දෙක පිහිටන ආකාරය හා එහි ප්‍රතිඵල එකිනෙකට හාත්පසින්ම වෙනස්ය.

Tuesday, August 14, 2012

පහන් දැල්වීම කල යුතු හා නොකල යුතු හෝරා කාලයන්

බුදු පහන දැල්වීම
    බුදුන් වහන්සේ උදෙසා පහන් දැල්වීමේ සුදුසුම වේලාව ලෙස දක්වා ඇත්තේ හවස 5.24 -5.48 වේලාවයි.උදේ හිරු උදාවේ සිට හවස හය දක්වා කාලය තුල බුදු පහන දැල්වීම යෝග්‍ය බව දක්වා ඇත.

පහන් දැල්වීම නොකළ යුතු වේලාවන්
   පස්වරු 6.00 -10.00 අතර කාලය යක්‍ෂ දිෂ්ටි හෙලන කාලයයි.එම වේලාවන් තුල පහන් දැල්වීම නොකළ යුතුය.හවස 6.00 සිට  රාත්‍රී 10.00 දක්වා පහන් වලට යක්‍ෂා දිෂ්ටි වැටෙන ආකාරය පහත දක්වා ඇත.

Monday, August 13, 2012

අපල කාලෙට රට ගියාම අපල අඩු වෙනවා කියන්නේ ඇත්තද?

 රටින් පිටුවහල් කිරීම යනු අතීතයේදී යම් පුද්ගලයකුට මරණීය දණ්ඩණය ලබා දීම තරමේ දරුණු දඩුවමක් විය.මෙය අතීතයට අදාලව වධයක් ලෙස සැලකිය හැකි වුවත් වර්තමානයේ ශ්‍රී ලංකාව වැනි රටක ජීවත් වන්නකුට දඩුවමක තත්ත්වය කෙසේ වුවත් මෙය එක්තරා අයුරකින් භාග්‍යයක් උදාවීමක් වැනි දෙයකි.පිටුවහල් කරන්නේ යුරෝපා රටකට නම් සියල්ලෝ සියළු වැඩ අත්හැර වැරදි කරමින් රටින් පිටුවහල් වීමේ දඩුවම භුක්ති විදීමට සූදානම් වනු නිසැකය.

Sunday, August 12, 2012

ඉඩා පිංගල ශාස්ත්‍රය - 6(ආයු පරීක්ෂණය)

  ඉඩා (වම් ) හා පිංගල(දකුණු) නල වැටීමේ සීඝ්‍රතාව හා ඒ අනුව එම නල ගමන් කරන දුර අනුව පුද්ගලයකුගේ ඉදිරි ආයුෂ නිගමනය කිරීමේ සංකීර්ණ ක්‍රමයක් ඉඩා පිංගල ශාස්ත්‍රයේ ඇත.මෙම නල පරීක්‍ෂාව  මනා පුහුණුවකින් යුක්තව කළ යුතු බව ශාස්ත්‍රීය මතයයි.(වෛද්‍යවරුන් විසින් ශරීරයේ හෘද ස්පන්දනයට අනුරූපව අත අල්ලා නාඩි ස්පන්ධනය අනුව ආයුෂ,සාධ්‍ය අසාධ්‍ය බව තීරණය කිරීමේ තවත් ක්‍රමයක් ඉඩා පිංගල ශාස්ත්‍රයට බද්ධව ඇත.මෙහි දක්වා ඇත්තේ නල හෙවත් හුස්ම වැටීම අනුව තීරණයයි.)

Sunday, August 5, 2012

පහ වසර ශිෂ්‍යත්ව විභාගයට පිටත්ව යාමට සුභ නැකැත්


                                 
පහ වසර ශිෂ්‍යත්ව විභාගය ලංකාවේ පාසැල් සිසුන් මුහුණදෙන පලමු ප්‍රධාන ජාතික විභාගය ලෙස හැදින්විය හැක.ඉගෙනීමෙහි දක්‍ෂ කුසලතා ඇති ගම්බද දරුවන්ට නගරයේ ජාතික පාසැලකට ඇතුල් වීමට වරම් ලබා දෙන විභාගයක් වීම හා වර්තමානයේ ජනප්‍රිය පාසැල් වලට ඇතුල් වීමෙ ඇති තරඟකාරිත්වය නිසා මෙම පහ වසර ශිෂ්‍යත්ව විභාගය සමත් වීමට දරුවනුත් දෙමාපියනුත් වැඩි උනන්දුවක් දක්වයි.

Saturday, August 4, 2012

ඉඩා පිංගල ශාස්ත්‍රය - 5

  ජන්ම කාලයේ සිට අසූ අවුරුද්ද දක්වා නාඩි වැටීම

 *උපතේ සිට අවුරුද්ද තෙක් -විනාඩියට 52 වාරයයි.

 *අවුරුද්දේ සිට දෑඅවුරුද්ද තෙක් -විනාඩියට 44 වාරයයි.

 *දෑ අවුරුද්දේ සිට තුන් අවුරුද්දේ අවසන තෙක් - විනාඩියට 40 වාරයයි.

 *තුන් අවුරුද්දේ සිට සත් අවුරුද්දේ අවසන තෙක් -විනාඩියට 30 වාරයයි.

 *සත් අවුරුද්දේ සිට දහහතර අවුරුද්දේ අවසන තෙක් -විනාඩියට 34 වාරයයි.

 *දහහතර අවුරුද්දේ සිට තිස් අවුරුද්දේ අවසන තෙක්  -විනාඩියට 32 වාරයයි.

 *තිස් අවුරුද්දේ සිට පනස් අවුරුද්දේ අවසන තෙක් - විනාඩියට 30 වාරයයි.

 *පනස් අවුරුද්දේ සිට අසූ අවුරුද්ද තෙක් - විනාඩියට 24 වාරයයි.

නිවෙසක කාමර බෙදිය යුතු දිශා පිළිවෙළ

නිවෙසක කාමර බෙදිය යුතු දිශා පිළිවෙළ

 උතුරු දිශාව -           වටිනා වස්තු ගබඩා කාමරය,නිදන කාමර
 නැගෙනහිර දිශාව  - නාන කාමරය
 ගිණිකොණ දිශාව - මුළුතැන්ගෙය
 දකුනු දිශාව -           නිදන කාමර
 බටහිර දිශාව -        ශාස්ත්‍රීය කටයුතු කාමරය,කෑමකන කාමරය
 ඊශාන දිශාව  -         ආගමික කටයුතු සිදු කරන ස්ථානය කාමරය
 වයඹ දිශාව-            ධාන්‍ය ගබඩා කාමරය
 නිරිත දිශාව -           වැසිකිළි කැසිකිළි ආදිය සහ ආයුධ ගබඩාව

Tuesday, July 31, 2012

"අනේ පුතේ අපේ පුතාගේ කේන්දරේ මාරක අපල තියෙන බව ඔයා කිව්වේ නෑනේ"

   මජීඩ් මගේ පාසැල් මිතුරකු විය.අප ප්‍රද්ශයේ මුස්ලිම් ගමක විසූ ඔහු තුලින් මුස්ලිම් මිනිසුන් තුල ජානමය වශයෙන් පැවතෙන කපටිකම් විද්‍යාමාන වුවත් ඉගෙනීමට ක්‍රීඩාවට ඔහු සැබෑ දක්‍ෂයෙකු විය.දැනට වසර හතකට පමණ පෙර ඔහුගේ මාමා කෙනෙකු නිවසකට අත්තිවාරමක් දැමීමට සූදානම්ව සිටින බව මා සමඟ පැවසීය.මුස්ලිම් මිනිසුන් ගෙවල් අත්තිවාරම් දැමීමේදී අනුගමනය කෙරෙන චාරිත්‍ර වාරිත්‍ර පිළිබදව දැන ගැනීමේ උවමනාවක් මා හට කලක් තිස්සේ තිබූ නිසා එම අවස්ථාවට සහභාගී වීමට මජීඩ් මාර්ගයෙන් මටද ඉඩකඩ සැලසුනි.

Saturday, July 28, 2012

2012 උසස් පෙළ විභාගයට පිටත් වීමට සුභ නැකැත්

    මෙවර අ.පො.ස. උ/පෙළ විභාගය 2012 අගෝස්තු 6 වැනි සදුදා දින ආරම්භවේ.පසුගිය වර විභාගයට පෙනී සිටි පාසැල් සිසු සිසුවියන් විභාගය ලියූ පසුත් මුහුණ දුන් අසීරුතා ගැන අමුතුවෙන් ලිවිය යුතු නැත.අධ්‍යාපන පරිපාලකයන්ගේ ක්‍රියාවන් නිසා අපහසුතාවට පත් අසරණ සිසු සිසුවියන් හා දෙමාපියන්ගේ සාපයන් ලබා සිටින අධ්‍යාපන නිලධාරීන්ගෙන් කොටසක්  හා දේශපාලකයන් මෙවරද ඒ ආකරයෙන්ම කටයුතු භාරව සිටී.මෙවරවත් අංතට්ටු පැළැදි මිනිස් හරකුන් ලෙස කටයුතු නොකොට බුද්ධිමත්ව වැඩ කටයුතු කිරීමට පරිපාලන නිලධාරීන්ට හැකියාව ලැබේවායි පාර්ථනා කරමු.

Wednesday, July 25, 2012

ආවර්තනය - 7

 ඒ 1920 වර්ෂයයි.ෆ්ලොරීඩා ප්‍රාන්තයේ ගැමි ප්‍රදේශයක දිවි ගෙවූ 31 හැවිරිදි එඩ්වර්ඩ් ලීඩ්ස්කින් ක්‍ෂය රෝගයෙන් පීඩා විදි ඉතා දුර්වල සිරුරකින් යුත් අඩි පහයි අඟල් දෙකක පමඟ උසකින් යුත් තරුණයකු විය.තම රෝගී තත්ත්වය නිසාම තමා පෙම් කල පෙම්වතියගේ දෙමාපියන් ඇයව තමාට විවාහ කරදීම ප්‍රතික්‍ෂේප කිරීම නිසා ලිඩ්ස්කින් සිටියේ බලවත් කනස්සල්ලෙනි.තම පෙම්වතිය තමාට අහිමි වුවත් ඈ සමඟ ගතකල කාලය සොදුරු මතකයක් ලෙස ඔහුගේ සිත් පත්ලේ තැන්පත්ව තිබුනි.කුඩා කල සිටම පාශාණ වලින් විවිධ නිර්මාණ කිරීමට පුරුදුව සිටි ලිඩිස්කින් තම පෙම්වතිය වෙනුවෙන් සිහිවටනයක් ලෙස කොරළ් පාශාණ වලින් මාලිගාවක් නිර්මාණය කිරීමට සිතක් පහළ වූයේ  තම පෙම්වතියට තමන් තුල තිබූ අසීමිත ගෞරවාන්විත ආදරය ඇයටත් ලොවටත්  පෙන්වා දීම පිණිසය.

Saturday, July 21, 2012

2012 අගෝස්තු 4 දින ශනි නැවත තුලාවට යාම ඔබේ ලග්නයට කෙසේ බලපායිද?

    පසුගිය දිනවල සිදුවූ ශනි ග්‍රහයාගේ ග්‍රහ චාරය පිළිබදව පෙර ලිපි 2කින්  ඉදිරිපත් කරන ලදී.එම ලිපි වලට සබැදි පහත ඇත.
                          ශනි මාරුව කොහොම වේවිද?

                               

Tuesday, July 17, 2012

ආවර්තනය - 6

      විශ්වාස කල නොහැකි අහඹු ආකාරයෙන් වුවත් තමන්ට නැවත පළිගු මැණික ලැබීම පිළිබඳව හසිත හා අජන්ත බොහෝ සෙයින් සතුටුව සිටියහ.ඔවුන් දෙදෙනා පළිගුවත් රැගෙන ඉක්මන් ගමනින් නැවත තම පිරිස රැදී සිටින ස්ථානයට ලඟා විය.

Tuesday, July 10, 2012

ආවර්තනය -5

  "ඒයි ලොකු උන්නැහේ මොකක්ද තමුන්ට කියන්න තියෙනවා කිව්වේ."

  "සර් මම පහුගිය දින ටිකේම දැක්ක තරුණ පිරිමි ළමයි කට්ටියක් තුඩුගල කන්දෙ එහා මෙහා යනවා.මට සැක හිතුනා චේගුවෙරා කාරයෝද කියලා.සර්ලට විස්තරේ කිව්වේ ඒකයි."

  " හොදයි තමුසෙ අපිට ඔය ඉසව්ව ගැන විස්තර කියලා යනවා.අපි ගිහින් බලන්නම්.කී දෙදෙනක් හිටියද?"

 " හතරයි සර්"

 "හ්ම්......"

Saturday, July 7, 2012

ආවර්තනය -4

     පළිගු මැණික උදුරාගත් මිනිසා තමන්ට මඟහැරී යාම නිසා අපේක්‍ෂා භංගවූ තරුණයන් දෙදෙනා එක්වරම වනය දෙසින් ඇසුනු මර ලතෝනියත් සමඟ තරමක් කලබලයට පත්විය.එම මරහඩ කාගේ විය හැකිද?ඉක්මන් ගමනින් වුවත් ඉතා ප්‍රවේශම් සහගතව තරුණයන් දෙදෙනා එම හඩ ඇසුණු දිශාවට ගමන් කලහ.

Thursday, July 5, 2012

ආවර්තනය -3

             පළිගු මැණික උදුරාගත් වානික්‍ය ෂට් ඉතා වේගයෙන් කැලෑ මාර්ග ඔස්සේ දිව යයි.ජව සම්පන්න තරුණයන් දෙදෙනාද වානක්‍ය පසුපස හබා යන්නේ තම කණ්ඩායම ඉතා අපහසුවෙන් ලබා ගත් පළිගු මැණික නැවත ඔහුගෙන් ලබා ගැනීමටය.තරුණයන් දෙදෙනාම ශක්තිවන්තයන්ය.ඉතා දක්‍ෂ රගර් ක්‍රීඩකයන් වන ඔවුන් දෙදෙනා මීට පෙර වනය ඔස්සේ මෙවැනි හබා යෑමක් නොකලත් පළිගු මැණික නැවත ලබා ගැනීමේ දැඩි උවමනාව ඔවුන්ට අවශ්‍ය චිත්ත හා ශාරීරික ශක්තිය ලබා දුනි.

Tuesday, July 3, 2012

ආවර්තනය -2

   "අපි හිටියේ රන්මසු උයන ලඟ "සක්වල ගල" කියන ගල් පුවරුව අසලමයි.එකපාරටම සක්වල ගල අසලින් විශාල සුදු ආලෝකයක් මතු වුනා.ඒක ඇස් නිලංකාර වන තරමේ විශාල ආලෝකයක්.ටික වේලාවකින් ආලෝකය අඩු වෙලා මිදුමක් වගේ මතුවුනා.ඒ මීදුම අස්සෙන් විශාල සිරුරු ඇති මිනිසුන් හතර දෙනෙකු මතුවුනා.ඔවුන් සිටියේ අමුතුම ආකාරයේ අවි ආයුධ දරාගෙන .ඊට පස්සේ නැවතත් අර සුදු ආලෝකය මතුවුනා.ඒ ආලෝකය හරිම සැරයි.ඇස් වලට දැනුනු අපහසුතාව නිසාම අපි අහක බලා ගත්තා නැවත අපි සක්වල ගල දිහා බලන විට ආලෝකය ඉවත් වී තිබුනා අර සෙබලුන් වගේ මතුවෙච්ච මිනිස්සු හතර දෙනාත් එතන පේන්න හිටියේ නෑ.අතුරුදහන් වෙලා."
                                                                 

 තමන් දුටු විස්තරය තරුණයා විස්තර කලේය.එම සිද්ධිය ඇසින් දුටු කිහිප දෙනෙකුම විය.ඔවුන්ගේ විස්තරද ඒ ආකාරයෙන්ම විය.සක්වල ගල අසලින් හදිසියේ මතුවූ දැවැන්ත මිනිසුන් හතර දෙනා කවුරුන්ද?ඔවුන් මෙහි ආවේ කුමටද?

Sunday, July 1, 2012

ආවර්තනය

තමා දකිමින් සිටි සිහිනය අතරතුරදීම විමලසුරිය නින්දෙන් අවදි විය.නිදිමත තවමත් ඔහුගේ දෑස්වලය.තමා දකිමින් සිටි සිහිනයෙන් අඩකදී  අවදි වුවත් විමලසූරියට එම සිහිනය අමුතු දෙයක් නොවීය මන්ද පසුගිය වසර පුරාම සෑම දිනකම පාන්දර යාමයේ ඔහු එම සිහිනයම නැවත නැවත දුටු බැවිනි.

     ඇද ආසන්නයේම තිබූ මේසය මත වූ කුඩා ඔරලෝසුවේ හිස මතවූ කුඩා ස්විචය ඔබා දල්වා ගත් එහි අභ්‍යන්තර ආලොකයෙන් වේලාව පාන්දර 5ට ආසන්න බව ඔහු දැක බලා ගත්තේය.

Wednesday, June 27, 2012

සරස්වතී යෝගය

                              සරස්වතී යෝගය

 යෝගය යෙදෙන ආකාරය
   ගුරු(බ්‍රහස්පති),ශුක්‍ර(සිකුරු) හා බුධ ග්‍රහයන් තිදෙනා ලග්නය,දෙක,හතර,පහ,හත,නවය හා දහය යන ස්ථානයක එක්ව,වෙන වෙනම හෝ දෙදෙනා බැගින් යෝගව සිටිය යුතු අතර ගුරු ග්‍රහයා උච්ච හෝ ස්වක්‍ෂෙත්‍රව සිටිය යුතුය.

 විපාක
     සහජයෙන්ම කලා හැකියාවන් පිහිටයි.සියළු ශාස්ත්‍ර වලින් නිපුනතාවක් දක්වයි.අංශ කිහිපයකින්ම කුසලතා දක්වයි.සිතුවිලි සොදුරුය.සැමගේ ප්‍රශංශාවට ලක්වේ.

 සටහන
    ගුරු ග්‍රහයා කටක රාශියට උච්ච වන අතර ධනු මින රාශි වල ස්වක්‍ෂෙත්‍රවේ.


Wednesday, June 13, 2012

ඉන්දියානු නාඩි වාක්‍ය මගින් විශ්මිතව මව්පිය නම් ගම් හා පැරණි ජිවන තොරතුරු නිවැරදිව දක්වන්නේ භූත බලවේගයකින්ද?

   දකුණු ඉන්දියානු නාඩි වාක්‍ය කියවන්නන් විසින් පවත්වාගෙන යනු ලබන ශ්‍රී ලාංකිකයන්ට ස්වකීය උපන් දිනය හා ඇඟිලි සලකුණු අනුව නාඩි වාක්‍ය අනාවැකි පැවසීම පිළිබදව මීට පෙර ලිපියකින් දක්වන ලදී.මා හට නාඩි වාක්‍ය ඇසීමට යමට ආශාවක් පහළ වූයේ මාගේ මිතුරන් දෙදෙනෙකු ඒ පිළිබදව විස්තර පැවසීමත්  නැකැත් සෑදීම ආදී ජ්‍යොතිෂ වැඩ වලට පැමිනි කිහිප දෙනෙකු තමන් නාඩි වාක්‍ය ඇසූ බවත් මව පියාගේ නම් වල සිට ඉතා විශ්මිත අයුරින් තමන්ට නාඩි වාක්‍ය පැවසූ බව මා සමඟ පැවසීමත් නිසාමය

Thursday, June 7, 2012

"බ්‍රහ්ම මුහුර්තය"

    ජ්‍යොතිෂයේ සුභ කටයුතු වලට යොදා ගත යුතු සුභ කාල හෝරාවන් ගැන මෙන්ම කිසිදු සුභ කටයුත්තකට යොදා නොගත යුතු අසුභ කාලයන් පිළිබදව විශේෂයෙන් දක්වා ඇත.රාහු කාලය ,සාගර මුහුර්තය එලෙස කිසිදු සුභ කටයුත්තකට නොගත යුතු අසුභ කාලයන් ලෙස දක්වා ඇති අතර සුභ කටයුතු සදහා විශේෂයෙන් යොදාගත යුතු කාල හෝරාවන්ද දක්වා ඇත.

"සිකුරු සංක්‍රාන්තිය"

   "සිකුරු සංක්‍රාන්තිය" ගැන පසුගිය දිනවල බොහෝ දෙනා කතාබහ කලහ.සූර්යයා පෘථිවිය හා සිකුරු ග්‍රහයා එක එල්ලේ පිහිටමින් සූර්යයා මතුපිටින් කලු තිතක් ගමන් කරන්නා ආකාරයට පෘථිවියට දිස්වන මෙම අසිරිමත් අවස්ථාව බොහෝ විට උදාවන්නේ එක් සියවසකට දෙවතාවක් පමනි.මෙම වාර දෙක බොහෝ විට වසර අටක පමණ පරතරයකින් එක ලඟ සිදුවීම නිසා අපගේ ජීවිත කාලය තුලදී සිකුරු සංක්‍රාන්තියක් දැක ගැනීම ඉතා විරලය.

Saturday, June 2, 2012

තොටගමු රාහුල හිමි ගලේ පැළ ඉණි හිටුවයි.

      තොටගමු රාහුල හිමියන් ස්වකීය ගුරු හාමුදුරුවන් වහන්සේ වූ විදාගම මෛත්‍රී හිමියන් යටතේ ඉතා හොදින් ශාස්ත්‍ර උගත්තේය.රාහුල හිමි තුල වූ අන් අයට දෙවැනි වීමට තිබූ අකැමැත්ත ඔහුට ශාස්ත්‍ර ඉගැන්වීමේ උපක්‍රමයක් ලෙස විදාගම හිමියන් යොදාගෙන ඇති බව රාහුල හිමිගේ සාමනේර අවධියේ තොරතුරු දෙස විමසිලේලෙන් බැලූ විට පෙනීයයි.ස්වකීය ගෝල නම සමඟ කුමන හෝ ශාස්ත්‍රයකට විද්‍යාවකට අදාළ කරුණකට වාද විවාදයකට පැටලී උවමනාවෙන්ම වාගේ ගෝලනමට ජයග්‍රහන ලබා දීමක් සිදුකොට රාහුල හිමිට ශාස්ත්‍ර ඉගෙනීමට කැමැත්ත ආශාව හා බුද්ධිය වැඩි කරවීමට පෙළඹවීමක් මෛත්‍රී හිමියන් විසින් සිදු කොට ඇති බවට දෛනා අතර වාද විවාද සිදුවී ඇති ආකරය දෙස බැලූ විට පෙනී යයි.(නමුත් බොහෝ අවස්ථාවල රාහුල හිමියන් ජයග්‍රහණ කරන්නේ නියම ලෙස බුද්ධි ශක්තිය පෙන්වමිනි.)

Friday, June 1, 2012

2012 ජුනි 25 දිනෙන් ශනි වක්‍රය නවතී.අගෝස්තු 4 ශනි නැවත තුලාවට......


2011 නොවැම්බර් 15 දින ශනි ග්‍රහයා තුලා රාශි ගතවීම පිළිබදව ජනමාධ්‍ය  දැඩි ප්‍රචාරණයක් ලබා දුනි.එම අවස්ථාවේදී ශනි තුලා රාශි ගතවීම පිළිබදව විවිධාකාර අයුරින් ජ්‍යොතිෂ අනාවැකි මත ඉදිරිපත් විය.ජනමාධ්‍ය ආයතනද ඒවාට විශාල ප්‍රචාරණයක් ලබා දුන්නේ ශනි මාරුව පිළිබදව මහජනතාව අතර තිබූ උනන්දුව ඔස්සේ වෙළද වාසි ලබා ගැනුම පිණිස යැයි අනුමාන කල හැක.

Wednesday, May 23, 2012

ඉඩා පිංගල ශාස්ත්‍රය - 4

                                   ඉඩා පිංගල ශාස්ත්‍රය -1
                                   ඉඩා පිංගල ශාස්ත්‍රය -2
                                   ඉඩා පිංගල ශාස්ත්‍රය -3

මිනිස් සිරුර ආශ්‍රිතව ක්‍රියා කරන චක්‍ර හයක් පිළිබදව යෝග ශාස්ත්‍රයේ සදහන්ය.යාම,නියාම,,ආසන,ප්‍රාණයාම,...ආදී යෝග කර්ම මගින් මෙම චක්‍ර හය පුබුදුවා ගෙන මිනිසා හට පුදුමාකාර දේවල් කල හැකිය.මෙම චක්‍ර හය පිළිවෙලින්

Tuesday, May 22, 2012

තොටගමුවේ ශ්‍රී රාහුල හිමියන් සංදේශ කාව්‍ය රචනා කලේ සාහිත්‍ය රසය ඉස්මතු කිරීමට පමනක්ද?

තොටගමුවේ ශ්‍රී රාහුල හිමි පිළිබදව අසා නැති සිංහලයෙක් මෙරට ඇතැයි සිතිය නොහැකිය.අදුරු ආගාධයකට ඇදෙමින් පැවති කෝට්ටේ යුගයේ සිංහල සාහිත්‍ය නැවත ස්වර්ණමය තත්ත්වයකට නැංවූයේ තොටගමුවේ ශ්‍රී රාහුල හිමියන් හා උන් වහන්සේගේ ප්‍රධාන ගෝලයා වූ වෑත්තෑවේ හිමියන් බව අතිශෝක්තියෙන් තොරව දැක්විය හැකිය.

ගුරු ගෝල දහම් ගැටයට ඉන්දීය බලි ඇදුරා හසුවේ.

"මොකද රාහුල හාමුදුරුවනේ මෙදා පෝය ලඟටම ඇවිල්ලත් ගමේ උදවිය පන්සල පැත්තේ ඇවිල්ල නැත්තේ වෙනදා පෝය ලංවෙන කොට ගමේ දරු දැරියොත් පින්කම් වලට සූදානම් වෙන්න පන්සල පැත්තට එනවනේ." 

පුරුද්දට වඩා ජන්මේ ලොකු වීම

  රාහුල පොඩි හාමුදුරුවන්ගේ උප්පරවැට්ටියට අහුවෙලා ලොකු හාමුදුරුවන්ට බළල් වසුරු කන්න වෙච්ච එකට ලොකු හාමුදුරුවෝ හිටියේ ටිකක් ලැජ්ජාවෙන්.මොන ගුරාද කැමති ගෝලයට සෙකන්ඩ් වෙන්න..ඉතින් කොයි වෙලේ හරි ගෝලයව පරද්දන්න තමයි විදාගම හාමුදුරුවොත් මාන බලාගෙන හිටියේ...

මෙන්නෝ....අපේ ලොකු හාමුදුරුවෝ බලල් බෙටි කෑවෝ.

මේකත් තොටගමු ශ්‍රී රාහුල හිමි සාමනේර අවදියේදී කරපු වැඩක් ගැන කියවෙන කතාවක්.මේ කතාව තියෙන්නේ කුඩා රාහුල හිමිගේ දඟකාර කමද එහෙම නැත්නම් බුද්ධියද කියල එක පාරට කියන්න බැහැ.සමහර විට ඒ දෙකම වෙන්න පුළුවන්.හරි වැල් වටාරම් පැත්තක දාල කතාව කියන්නම්කෝ..

සුර දෝතා -වර මෑතා -ගොම දෝතා -දම ඈතා



 රාහුල හාමුදුරුවො විදාගම මෛත්‍රී හාමුදුරුවන් යටතේ පැවිදි වෙලා තොටගමු විහාරයේ තමයි සාමනේර අවදියේ වැඩි කාලයක් ගත කලේ.රාහුල හාමුදුරුවෝ කවියට උපන් හපනෙක්.වැඩක් පලක් කරත්දිත් කවියෙන්ම තමයි ඒක කරන්නෙත්.

රාහුලයා මළා......මළා......

  විදාගම හිමියන් විජයබා පිරිවෙනේ ගෝලයන්ට ශාස්ත්‍ර ඉගැන්වීමට යාමට පෙර දිනපතා උදෑසන සිදු කල කාර්යයක් විය.තම අල්මාරියේ කුඩා කුප්පියක දැමූ සුවිශේෂී තෙල් වර්ගයකින් ඉතා කුඩා ප්‍රමානයක් දිව ගා ගැනීම උන් වහන්සේගේ දෛනික පුරුද්දක් විය.

හාල් ගරන කත මිදුලේ - දැක මහනෙක් ලොභය කලේ...


 "අවසරයි අපේ හාමුදුරුවනේ.ඔබ වහන්සේ මේ හදිසියේ රජ වාසළට  වැඩිය කාරණාව මොකක්ද දන්නේ නෑ."
 විදාගම හිමියන් ගරු බුහුමන් කොට පිළිගත් සයවැනි පැරකුම් රජු හිමිගෙන් ඇසුවේය.

Monday, May 21, 2012

මා වැනි බිළින්දා - වර වර ලඟට කැන්දා.......

 "අවසර දේවයන් වහන්ස ඔබතුමාගේ ඥාති සොයුරකු වන දෙමටාන ගම විසූ වික්‍රමබාහු කුමරු හදිසි රෝගාබාධයකින් මිය ගොස් ඇත.ඔහු මිය යාමට පෙර ඔබ වහන්සේට භාර දීමට ලියා තැබූ හසුන් පතක් මා විසින් රැගෙන ආවෙමි."

Sunday, May 20, 2012

Taboo Subjects - 2

  "මෙන්න ජ්‍යොතිෂලංකා කුණුහරුප කියනෝ..."
  "මේ සයිට් එක බලන පුංචි ළමයි ඉන්නවනම් බ්ලොක් කරන්න"

 මා විසින් මිට පෙර "ටැබූ සබ්ජෙක්ට්" මාතෘකාව යටතේ පළමු ලිපිය දැමූ විට බ්ලොග් මිතුරන් කිහිප දෙනෙක් එලෙස අදහස් දැක්විය.සත්‍ය ලෙස මා එහිදී කතා කලේ කුණුහරුප නොව ජ්‍යොතිෂ ශාස්ත්‍රය හා පුද්ගල විවාහ දිවිය සමඟ බැදී ඇති ශාස්ත්‍රීය කරුණු කිහිපයක් පිළිබඳවය.

රාජ ලක්‍ෂණ යෝගය

 යෝගය යෙදෙන ආකාරය
          බුධ,ගුරු,සිකුරු හා සදු ග්‍රහයන් හතර දෙනා එක්ව හෝ වෙන් වෙන් වශයෙන් කුමන හෝ ආකාරයකට කේන්ද්‍රස්ථානයක(1,4,7,10 ස්ථානයක) තැන්පත් වීමයි.

Thursday, May 17, 2012

ඉඩා පිංගල ශාස්ත්‍රය - 3

නාඩි වැටීමේ ප්‍රතිඵල
     සදුට හිමි වම් නාස් පුඩුවෙන් පිටවන ඉඩා නාඩිය වෑටෙන විට යහපත් සෞම්‍ය කටයුතුත් රවි හිමි දකුනු නාස් පුඩුවෙන් පිටවන පිංගලා නාඩිය වැටෙන විට බලවත් ක්‍රෑර කටයුතුද වායු අධිපති දෙනාස් පුඩුවෙන් සමසේ වැටෙන සුෂුම්නා නාඩිය වැටෙන විට කිසිම සුභ කටයුත්තක් නොකල යුතු බව ශාස්ත්‍රීය මතයයි.

Thursday, May 10, 2012

ඉඩා පිංගල ශාස්ත්‍රය - 2

නාඩි සදහා වෙන්වූ දින හෝරා හා තිථි

    * සදුට හිමි වම් නාස් පුඩුවෙන් පිටවන ඉඩා නාඩිය
       සදු,බුධ,ශුක්‍ර දිනවල හා එම හෝරාවලද රාත්‍රී කාලයේද පුර පක්‍ෂයේද සදුට හිමි ඉඩා නාඩිය බලවත්වේ.

Wednesday, May 9, 2012

ඉඩා පිංගල ශාස්ත්‍රය -1

 ඔබ විවේකයෙන් සිටින අවස්ථාවක ඔබගේ එක් අතක් මිට මොලවා එහි පිටි අල්ල ඔබගේ නාස්පුඩු වලට ලංකොට නාස් පුඩු වලින් හුස්ම වැටෙන ආකාරය පිටි අල්ලට දැනෙන ආකාරය හොදින් විමසා බලන්න.විවිධ අවස්ථාවලදී ඔබ මෙම ක්‍රියාකාරකම කල විට ඔබගේ නාස් පුඩු වලින් හුස්ම වැටෙන ආකාරයේ විවිධත්වයක් දැකිය හැකිය.විටෙක වම් නාස් පුඩුවෙන් පමනක් හුස්ම වැටෙන බවත් තවත් අවස්ථාවලදී දකුණු නාස් පුඩුවෙන් පමනක් හුස්ම වැටෙන බවත් ඇතැම් අවස්ථාවල නාස් පුඩු දෙකෙන්ම හුස්ම වැටෙන බවත් ඔබට නිරීක්‍ෂණය කළ හැකිය.මෙලෙස හුස්ම හෙවත් නළ වැටෙන ආකාරය වෙනස් වීමට හේතුව කුමක්ද?

Sunday, May 6, 2012

අඟහරුවාදා සිකුරාදා දිනවල ස්නානය කිරීම හා මරණ අස් කිරීම අසුභ බවට ඇති මතයේ පදනමක් තිබේද?


 අඟහරුවාදා හා සිකුරාදා දිනවල ස්නානය කිරීම හා මරණ අස් කිරීම අසුභ දායක බවට මතයක් පුරාතනයේ සිට ඇත.මෙම මතවල ජ්‍යොතිෂ ශ්‍රාස්ත්‍රීය පදනමක් තිබේද එසේත් නැත්නම් ඒවා මිත්‍යා මතද යන්න විමසා බැලීම වටී.

මැයි 17 ගුරු මාරුව ඔබේ ලග්නයට කොහොමද?




      ග්‍රහලොව "ගුරුන් වහන්සේ" ලෙස හැදින්වෙන ගුරු හෙවත් බ්‍රහස්පති ග්‍රහයා දළ වශයෙන් වසරකට ආසන්න කාලයක් එක් රාශියක් තුල ගමන් කරයි.පසුගිය 2011 වසරේ මැයි 8 වැනි දින සිට මේ දක්වා මේෂ රාශිය එල්ලේ ගමන් කරන ගුරු ග්‍රහයා 2012 මැයි 17 දින උදේ 9.35 ට පමන වෘෂභ රාශියට පිවිසේ.

Tuesday, April 10, 2012

මෙවර අළුත් අවුරුදු ලිප ගිනි මොලවන නැකත දෝෂ සහිතද?

 අළුත් අවුරුදු ලිප ගිණි මෙලවීමේ නැකත පිළිබදව මේ දිනවල වැඩි අවදානයක් කතා බහක් දකින්නට අසන්නට ඇත.මෙවර ලිප ගිණි මෙලවීමේ නැකත ජ්‍යොතිෂ ශාස්ත්‍රාණුකූලව වැරදි අඩුපාඩු සහිත බවට දැනටමත් රටපුරා සිටින ජ්‍යොතිෂවේදීන්ගෙන් අළුත් අවුරුදු නැකැත් කමිටුවට චෝදනා එල්ල වී ඇත.මේ පිළිබදව හාංකවිස්සියක දැනුවත්වීමක් නොතිබුණු අවස්ථාවක මුලින්ම මේ ගැන මාව දැනුවත් කලේ "කේන්දර සිංහලෙන්" අඩවියේ කතුවර රෝහණ වසන්ත මහතායි.එම මහතා දුරකථනයෙන් මේ පිළිබදව කතාබහ කරන විට අළුත් අවුරුදු ලිප ගිණි මෙලවීමේ නැකත පිළිබදව උණුසුමක් තිබුනේම නැත.රෝහණ වසන්ත මහතා ලිවූ ලිපියේ දිනය දෙස බැලීමෙන් ඔබටද එය වටහා ගත හැකිය.

Sunday, April 8, 2012

අළුත් අවුරුද්ද



ප්‍රශ්ණ සියල්ලටම දන්නා අයුරින් පිළිතුරු සපයන්න.       
 (කාලය විනාඩි 10 යි.)
-----------------------------------------------------------------------------------


 (1)  "අවුරුදු"  යන හෙළ වදනේ නියම අරුත වන්නේ
         i) දින 365 කාලයයි
        ii) අව්ව රුදු වීම හෙවත්  රෞද් වීම යන්නයි
        iii) අවුර් (හීබෘෘ බසින් ඉර හැදින්වූ වචනය හෙළ බසට බිදී ඇත.) + ඉද්ද(ඉද්ද ගැහුවාක් මෙන් සෘජු පිහිටීම)  ="අවුර් ඉද්දු " = අවුරිද්දු = අවුරුදු
       iv)   (ඒම/පැමිණීම) + වරු (වාරය) +දු (දුනු පස) = + වරු + දු =අවරුදු =අවුරුදු

Saturday, March 31, 2012

"හොදයි දරුවා අපි එහෙනම් හැදි ගෑවිලා යන්නම ගුරුකමක් කරමු."

   ජ්‍යොතිෂය හා ගුප්ත ශාස්ත්‍රය එකිනෙකට බැදී ඇතත් එකිනෙකට වෙනස් ක්‍ෂෙත්‍ර දෙකකි.බොහෝ දෙනා මෙ වෙනස වටහා ගෙන නැත.ගුප්ත ශාස්ත්‍රීය ක්‍රම වල පැහැදිලි සත්‍යතාවක් ඇතත් වර්තමානයේ පුවත්පත් දැන්වීම් වල පෙනී සිටින රොඩී ශාස්ත්‍ර කරුවන්ගේ වංචා බොරු ක්‍රියාකාරකම් නිසා ගුප්ත ශාස්ත්‍රීය ක්‍රම ගැන ජනතා විශ්වාසය පළුදු වී ඇත.තමන්ගේ ජන්ම කේන්ද්‍රය සාදා ගැනීමක් වත් නොකොට ජ්‍යොතිෂය බොරු බොරු යැයි මොර ගසන බොහෝ දෙනෙක් රොඩී ගුරුකම් කාරයන් හා ජ්‍යොතිෂ ඇදුරන් අතර වෙනස වටහා ගෙන නැත.ජ්‍යොතිෂය ප්‍රතික්ෂේප කරන වැඩි පිරිසකගෙන් තමන්ගේ කේන්ද්‍රය පරීක්‍ෂා කොට නැත්දැයි ඇසූ විට ලැබෙන පිළිතුර වන්නේ

අභාවයට යන "පෝරුවේ චාරිත්‍ර විධි" - 2

      
               මෙහි පළමු ලිපිය මෙතනින් බලන්න

මනාලියගේ මවට තෑගි බුලත් දීමෙන් පසු පිළිවෙලින් පියාට  ,මාමලාට,සහෝදර සහෝදරියන්ට ඥාතීවරුන්ට බුලත් දී රෙදි නැන්දාට බුලත් පඩුරු දීමෙන් අවසන් කරයි.

Tuesday, February 28, 2012

අභාවයට යන "පෝරුවේ චාරිත්‍ර විධි" - 1

                                    
   පෝරුවේ චාරිත්‍ර යනු සිංහල බෞද්ධ අපට අමුතුවෙන් හදුන්වා දිය යුතු දෙයක් නොවේ.පැරණි පොත්පත් වල සදහන්ව ඇති ආකාරයට පෝරුව හා එහි චාරිත්‍ර වලට දිගු ඉතිහාසයක් ඇත.එහි ආරම්භය පිළිබදව නිභ්චිත සදහනක් නැතත් චිරාත් කාලයක් මුඛ පරම්පරාවෙන් පැමිණ ඇත.

Tuesday, February 7, 2012

අභාවයට යන ලාංකීය බලි ශාන්තිකර්ම කලාව - 2

     

 * බලි ඇඹීම
         බලි යාගය පවත්වන දින උදේ සිට බලි ඇඹීම සිදු කරයි.මෙම බලි ඇඹීමේදී එක් එක් සම්ප්‍රධායන්ට සුවිශේෂී වූ ක්‍රම පවතී.නුවරකලාවියේ වර්ණ සදහා යොදා ගන්නේ දේශීය කොළ,ඵල පොතු ඇට ආදියයි.
   බලි ඇඹීමේදී වඩාත් විචිත්‍රවත් හා ජීවමාන අයුරින් බලි ඇඹීම සැලකූ විට පහත රට සම්ප්‍රධාය ප්‍රමුඛ තැනක් ගනී.

Friday, January 13, 2012

අභාවයට යන ලාංකීය බලි ශාන්තිකර්ම කලාව


                                          
  "අලි බැලිල්ල හා  බලි බැලිල්ල කොච්ර කලත් එපා වෙන්නේ නෑ "  යනුවෙන් වචන මෙන්ම අදහසද විකෘති කරන ලද කතාවක් අප අතර ඇත.ඇත්තෙන්ම මින් අලි බැලීම හා බලි බැලීම ඇසට ප්‍රිය දසුනක් යන්න අදහස් කිරීමක් නිරූපනයවේ.සාහිත්‍ය විචිත්‍රභාවය අනුව සලකන විට මෙහි සත්‍යතාවක් ඇතත් නියම වචනය "අලි බැලිල්ල හා බලි ඇරිල්ල ප්‍රවේශමෙන් කල යුතුය." යන්නයි.ඇත් ගොව්වකු විසින් අලියා බලා කියා ගැනීම හෙවත් අලි බැලීම හා  බලි ඇදුරකු විසින් කඩතුරාවෙන් වසන ලද බලි රූපයේ කඩතිරය විවෘත කිරීම හෙවත් "බලි ඇරීම"  ප්‍රවේශමෙන් කල යුතු බව මින් අදහස් කෙරේ.දස්‌කොන් අදිකාරම හා රාජ දේය අතර පැවතුන ප්‍රේම සම්බන්ධය පිළිබඳ පුවත ද සෙංකඩගල බලියාගය පිළිබඳ තොරතුරු සපයයි. රජ කුමරිය වෙනුවෙන් කෙරුණු බලි ශාන්තිකර්මයක්‌ සඳහා තනන ලද ප්‍රතිරූප බලි රුවෙහි කිසියම් අඩුපාඩුවක්‌((( (උපන්ලපයක්) පෙන්වීම නිසා රාජ උදහසට ලක්‌ වූ අදිකාරම රජු වෙතින් මැරුම් කෑමේ සිද්ධියත් සමඟ මෙම කියමන මිනිසුන් අතර ප්‍රචලිත වූ බව ඉතිහාසයේ සදහන්ය. 

Monday, January 2, 2012

සංඛ්‍යා යෝග

                                                 රාහු කේතු හැර අනිත් ග්‍රහයන් හත් දෙනා (රවි,චන්ද්‍ර,කුජ,බුධ,ගුරු,ශූක්‍ර,ශනි) එකම රාශියක,රාශී දෙකක,තුනක ආදී ලෙස රාශීන් වල එක් රැස් වී පිහිටීම අනුව යෝග හතක් යෙදේ.මෙම යෝග හත එක් ලිපියකින් දැක්වූ විට පාඨකයාට අවබෝධ කර ගැනීමට හා වටහා ගැනීමට පහසු නිසා මෙම යෝග හත පිළිබදව මෙම ලිපියෙන් දැක්වේ.
Related Posts Plugin for WordPress, Blogger...