යෝග 300 පොතෙන්..

 B.V.රාමන් ශ්‍රීමතාණන් විසින් රචිත “300 Important Combinations“ කෘතියෙන් විස්තර කෙරෙන 
යෝග 300 , ග්‍රහ යෝග පිළිබඳව ජ්‍යොතිෂවේදියකු සතුවිය යුතු ප්‍රමාණවත් දැණුමකට සුවිශාල මඟ 
පෙන්විමකි.එම පොතේ දැක්වෙන යෝග 300 වරකට කිහිපය බැගින් පිළිවෙළින් ගෙන සරලව ගෙනහැර 
දැක්විමට අදහස් කළෙමි.

ඛඩ්ග යෝගය

   කඩු ශිල්ප ආදියෙහි හැකියාවක් ඇත්තන්ට පිහිටන සුවිශේෂී යෝගයක්  ගෙස මෙම ඛඩ්ග යෝගය දක්වා ඇත.

යෝගය යෙදෙන ආකාරය
   නවය හා දෙක අධිපතීන් පරිවර්තනය වී(නවය අධිපති දෙකේත් දෙක අධිපති නවයේත් සිටීම)සිටියදී ලග්නාධිපතියා කේන්ද්‍රස්ථානයක(1,4,7,10) හෝ ත්‍රිකෝණස්ථානයක(5,9)  සිටීමෙන් මෙම යෝගය යෙදේ.මෙම යෝගය වඩාත් ප්‍රබලව යෙදෙන්නේ යෝගය උදා කරවන ග්‍රහයන් (1,2,9 අධිපතීන් ) උච්ච හා කේෂෙතුව සිටින විටය.


යෝගයේ ඵල 
      කඩු කිණිසි ආදීය ලෙස යෝගයේ අක්වා ඇතත් නියම යෙදීම ආයුධ භාවිතය නිසා තුවක්කු බෝම්ම හා වෙනත් නවීන ආයුධ සදහා මෙම යෝගය වර්තමාන භාවිතයට ගත යුතුය.මලලව පොර කරාටේ හා වෙනත් සටන් ක්‍රම ඉගෙනුමට සුදුසු යෝගයකි.නිර්භීතය.නීරොගීය.ශක්තිමත්ය

චින්තාමණී යෝගය

  චින්තාමණී යෝගය

යෙදෙන ආකාරය
             බ්‍රහස්පති(ගුරු) හෝ සිකුරු(ශුක්‍ර) ග්‍රහයා කේන්ද්‍රයේ 5,9,11 ස්ථානයක උච්චව හෝ ස්වකෙෂත්‍රව සිටීමයි.රාහු ග්‍රහයා 5,8,12 ස්ථානයක නොසිටන විට මෙම යෝගය ප්‍රබලව යෙදේ.


යෝගයේ ඵල
             අනුන් වශී කරන බලයක් ඇත.රූප සොභාවද හොඳ බව කියයි.කථාවෙන් අන් අය වශී කර ගනී.සැප සම්පත් ලැබීමද හොඳයි.දුප්පත් පවුලක උපන්නද ඉදිරියට පැමිනේ..


ප.ලි.
    බ්‍රහස්පති(ගුරු) කටක රාශීයට උච්ච වන අතර ධනු,මීන රාශි වල ස්වකෙෂත්‍රෙවේ.
    සිකුරු   මීන රාශියට උච්ච වන අතර වෘෂභ තුලා රාශි වල ස්වකෙෂත්‍රෙවේ.
              

"ජ්වල මුඛී" යෝගය

  තිථිය හා නැකත සංයෝග වීමෙන් යෙදෙන "ජ්වල මුඛී" නම් අසුභ යෝගය ආකාර පහකින් යෙදේ.ඒ අනුව යම් වේලාවක
  1) පෑලවිය තිථිය හා මුල නැකත
  2) විසේනිය තිථිය හා බෙරණ නැකත
  3) අටවක තිථිය හා කැති නැකත
  4) නවවක තිථිය හා රෙහෙණ නැකත
  5) දසවක තිථිය හා අස්ලිස නැකත
      යෙදී ඇති විට "ජ්වල මුඛී" යෝගය  උදාවේ.
 අසුභ යෝගයක් ලෙස සදහන්ව ඇති මෙම "ජ්වල මුඛී" යෝගයෙන් උපන් අය අල්පායුෂ ඇති බවත් ජීවත් වුවත් ශාරීරික හා මානසික දුබලතා වලින් යුක්ත වූවන් විය හැකි බව ජ්‍යොතිෂයේ සදහන්ය.

 සුබ මුහුර්ත සෑදීමේදී මෙම යෝගය අත්හල යුතු බවත් විශේෂයෙන් සදහන් කොට ඇත.
 මෙම යෝගය යෙදී තිබියදී
   * සුබ ගමන් යෑම
   * විවාහ හා නිවාස නැකැත් ගැනීම
      නොකළ යුතු බව සදහන්ය.

සර්ප යෝගය

  සර්ප යෝගය
        නාභස යෝග යටතේ වූ දළ යෝග දෙකෙන් එක් යෝගයක් වූ සර්ප යෝගය පිළිබදව සිංහල ජ්‍යොතිෂ පොත් පත් වල වැරදි අර්ථ දැක්වීම් දක්වා ඇත.ඇතැම් සිංහල ජ්‍යොතිෂ පොත් පත් වල හා සිංහලයට පරිවර්තිත පොත් වල සර්ප යෝගය අර්ථ දක්වා ඇත්තේ
  "සියළු පාප ග්‍රහයන් පමනක් කේන්ද්‍රස්ථාන ගතව සිටීම" ලෙසයි.

"ශකට" හා "සකට" යෝග

ජ්‍යොතිෂයේ භාවිතා වන විවිධ යෝග අතරින් "ශකට" හා "සකට" යනුවෙන් යෝග දෙකක් පවතී.එකම ආකාරයකින් ශබ්ද වුවත් මෙම යෝග දෙක පිහිටන ආකාරය හා එහි ප්‍රතිඵල එකිනෙකට හාත්පසින්ම වෙනස්ය.

සරස්වතී යෝගය

                              සරස්වතී යෝගය

 යෝගය යෙදෙන ආකාරය
   ගුරු(බ්‍රහස්පති),ශුක්‍ර(සිකුරු) හා බුධ ග්‍රහයන් තිදෙනා ලග්නය,දෙක,හතර,පහ,හත,නවය හා දහය යන ස්ථානයක එක්ව,වෙන වෙනම හෝ දෙදෙනා බැගින් යෝගව සිටිය යුතු අතර ගුරු ග්‍රහයා උච්ච හෝ ස්වක්‍ෂෙත්‍රව සිටිය යුතුය.

 විපාක
     සහජයෙන්ම කලා හැකියාවන් පිහිටයි.සියළු ශාස්ත්‍ර වලින් නිපුනතාවක් දක්වයි.අංශ කිහිපයකින්ම කුසලතා දක්වයි.සිතුවිලි සොදුරුය.සැමගේ ප්‍රශංශාවට ලක්වේ.

 සටහන
    ගුරු ග්‍රහයා කටක රාශියට උච්ච වන අතර ධනු මින රාශි වල ස්වක්‍ෂෙත්‍රවේ.

රාජ ලක්‍ෂණ යෝගය

 යෝගය යෙදෙන ආකාරය
          බුධ,ගුරු,සිකුරු හා සදු ග්‍රහයන් හතර දෙනා එක්ව හෝ වෙන් වෙන් වශයෙන් කුමන හෝ ආකාරයකට කේන්ද්‍රස්ථානයක(1,4,7,10 ස්ථානයක) තැන්පත් වීමයි.

සංඛ්‍යා යෝග

                                                 රාහු කේතු හැර අනිත් ග්‍රහයන් හත් දෙනා (රවි,චන්ද්‍ර,කුජ,බුධ,ගුරු,ශූක්‍ර,ශනි) එකම රාශියක,රාශී දෙකක,තුනක ආදී ලෙස රාශීන් වල එක් රැස් වී පිහිටීම අනුව යෝග හතක් යෙදේ.මෙම යෝග හත එක් ලිපියකින් දැක්වූ විට පාඨකයාට අවබෝධ කර ගැනීමට හා වටහා ගැනීමට පහසු නිසා මෙම යෝග හත පිළිබදව මෙම ලිපියෙන් දැක්වේ.

වෙශි,වොශි හා උභයචාරී යෝග (රවිගෙන් දෙපස ග්‍රහ පිහිටීම)

 යෝග ගැන දැක්වුනු පසුගිය ලිපියෙන් සදුගෙන් දෙපස රාශී වල ග්‍රහ පිහිටීම අනුව යෙදෙන සුනඵා,අනඵා,ධුරාධුර හා කේමද්‍රැම යෝග පිළිබදව දක්වන ලදී.මීට අනුරූප අයුරින් රවිගෙන් දෙපස රාශීවල ග්‍රහ පිහිටීම අනුව යෙදෙන "වෙශි,වොශි හා උභයචාරී යෝග පිළිබදව මෙම ලිපියෙන් දැන ගනිමු.

සුනඵා,අනඵා,ධුරාධුර,කේමද්‍රැම යෝග (සදුගෙන් දෙපස රාශිවල ග්‍රහ පිහිටීම)

 සදුගෙන් දෙපස රාශීන් වල ග්‍රහ පිහිටීම අනුව යෙදෙන සුභ අසුභ යෝග කිහිපයක් මෙම ලිපියෙන් දැක්වේ.යෝග ගැන උනන්දුවක් දක්වන පාඨකයන්ට මතක තබා ගැනීම හා වටහා ගැනීම පහසු වීම පිණිස මෙම යෝග එක් ලිපියකින් දැක්වීමට අදහස් කර ඇත.

අධි යෝගය

  අධි යෝගය පිහිටීම පිළිබදව ජ්‍යොතිෂ ආචාරී මත හා මූල ග්‍රන්ථ වල විවිධාකාර මත ඇතත් එම විවිධතා වැඩි වශයෙන් මතුවන්නේ යෝගයේ බල අඩු වැඩි වීම පිළිබදවය.භාරතීය ජ්‍යොතිෂයේ අධි යෝගය
                1) සුභ අධි යෝගය
                2) පාපාධියෝගය
                3) මිශ්‍රම අධි යෝගය

ලක්‍ෂ්මී යෝගය

  ලක්‍ෂ්මී යෝගය යෙදෙන ආකරය පිළිබද ඉන්දියානු ජ්‍යොතිෂ ගුරු කුල වල අර්ථ දැක්වීම් කිහිපයක් දක්වා ඇතත් ඒ සියල්ලේ ආසන්න සමාන තත්ත්වයක් දැකිය හැකිය.
 හින්දු ආගමික විශ්වාසය අනුව ලක්‍ෂමි දෙවඟන ධනයට අධිපති ලෙස සලකයි.ධනය දියුණුව සැලසීම ලක්‍ෂ්මී දෙවඟන විසින් සිදු කරන බව හින්දු බැතිමතුන්ගේ විශ්වාසයයි."ලක්‍ෂ්මී" යන හින්දු දෙවඟනගේ නාමය භාවිතා කර ඇත්තේ යෝගයේ ස්වභාවය දැක්වීමටය.එසේ නොමැතිව එම යෝගය යෙදෙන ආකාරය වටහා ගැනීම අධ්‍යනය කිරීම අන්‍ය ආගමිකයන්ට අකැප වීමක් නොවේ.ආගමික විශ්වාස හා ජ්‍යොතිෂ සිද්ධාන්ත පටලැවීමක් කර ගත යුතු නැත.

ඒකාවලී යෝගය හා එහි දොලොස් ආකාර මාලිකා යෝග, වීණා යෝගය

 ඒකාවලී යෝගය හා එහි දොලොස් ආකාර මාලිකා යෝග පිළිබදව ජ්‍යොතිෂ පුවත්පත් සඟරා ආදියෙහි විස්තර ලිපි කලින් කලට එලි දැක්වී ඇතත් ඒකාවලීයෝගය කේන්ද්‍රයක යෙදෙන ආකාරය පිළිබදවත් ඒකාවලී යෝගය හා වීණා යෝගය පටලවා වැරදි අර්ථ කථන දක්වා ඇති පොත්පත් ලේඛනද වර්තමානයේඑළිදැක්වී ඇත."කලියුගයේදී ජ්‍යොතිෂය මියයයි.නමුත් අන්ධව යළි ඉපදේ" යනුවෙන් බෘහත් පරාශරයේ දැක්වෙන පාඨය සිහිගන්වන මෙම වැරදි ලිපි ලේඛන වලඅයහපත් බලපෑමෙන් මතු ජ්‍යොතිෂ පරපුර බේරාගනු වස් "ඒකාවලී යෝගය" යෝගය හා මාලිකා යෝග  පිළිබදවත් වීණා යෝගය පිළිබදවත් සවිස්තරයක් මෙමලිපියෙන් ලිවීමට සිතුවේ හතු පිපෙන්නාක් මෙන් එළිදැක්වෙන සිංහළ ජ්‍යොතිෂ පොත්පත්වල දැක්වෙන විස්තර ඔළුවට ගැනීමට ප්‍රථම පුරාණ පොත්පත්වල ඒපිළිබදව දක්වා ඇති විස්තරද හොදින් විමර්ශනය කිරීම හා වැඩිහිටි ජ්‍යොතිෂ උගතුන්ගේ ගුරු හරුකම්ද ලැබිය යුතුය යන කරුණද මතක් කරමිනි.

චන්ද්‍ර මංගල යෝගය

       "මංගල" යනු කුජ(අඟහරු) ග්‍රහයා හදුන්වන නමයි.ඒ අනුව "චන්ද්‍ර මංගල යෝගය" යන්න කුජ හා සදු ග්‍රහයන් සම්බන්ධ වූවක් බව වටහා ගත හැකිය."ශනි මංගල යෝගය" කියා තවත් යෝගයක් ඇත.එයද වචනයෙන් දැක්වෙන පරිදි ශනි හා කුජ සම්බන්ධවීමෙනි.නමුත් මෙම යෝගදෙකේ ප්‍රතිඵල වෙනස්ය."චන්ද්‍ර මංගල යෝගය" සුභඵල ගෙනදෙන යෝගයක් ලෙසත් "ශනි මංගල යෝගය" අසුභ(විවාහය සම්බන්ධ දෝෂයක් ලෙස) යෝගයක් ලෙසත් දක්වා ඇත.පටලැවීම් ඇති වීම වැලැක්වීමට යෝග දෙකම යෙදෙන ආකාරය මෙහි කෙටියෙන් සදහන් කරමි.ශනි මංගල යෝගය විවාහය කෙරෙහි දෝෂයක් ලෙස බලපාන අයුරු විවාහ දේෂ 2 ලිපියෙන් සවිස්තරව දක්වා ඇත.

ඒකශ්‍රැතිධර යෝගය

 යෙදෙන ආකාරය -
              තුන,පහ,නවය,එකොලහ ස්ථාන වල සියළුම ග්‍රහයන් සිටීමෙන් මෙම යෝගය උදාවේ.

 විපාක - සුභ යෝගයකි.යෝගය හැදින්වීමට යොදා ඇති නාමයේ අර්ථයෙන් කියැවෙන ආකාරයටම "එක් වරක් ඇසූ පමණින් ධාරණය කරගත හැකි" හැකියාවක් මෙම යෝගය පිහිටි අයට ලැබේ.බර වැඩ කර ජීවත් වන්නෙක් නොවේ.රැකියාව සදහාද ඥාණයම යොදාගනී.

 විශේෂ සටහන්
             මෙම යෝගයද සිංහාසණ යෝගය මෙන්ම දුර්ලභ යෝගයකි.දෙක,හය,අට,දොළහ සියළුම ග්‍රහයන් පිහිටීමෙන් ඇතිවන සිංහාසන යෝගය පිහිටි හා මෙම ඒකශ්‍රැතිධර යෝගය පිහිටි අයගේ කේන්දරවල පිහිටන පොදු ලක්‍ෂණයක් වන්නේ "හතර කේන්ද්‍රය හිස් වීමයි." යෝගදෙකේම ශ්‍රමණ යෝගය සැඟවී ඇති අතර ගුරු,කුජ ග්‍රහයන්ගේ සුභ අසුභ දෘෂ්ටි කේන්ද්‍රස්ථාන වලට වැටීම අනුව ශ්‍රමණ යෝගය ඉස්මතු වීම නොවීම බොහෝ දුරට තීරණයවේ.ලේඛකයන් මුද්‍රණ ශිල්පියන් ,භාෂා පරිවර්තකයන් බිහිකරවන යෝගයකි.මෙය ධන යෝගයක් ලෙස දක්වා නැතත් දෙක හා එකොළහ ග්‍රහ පිහිටීම යහපත් වන විට තම ඥාණය මෙහෙයවා ධනය උපයයි.නමුත් මෙම යෝගය පිහිටි අය මුදල් පසුපස හඹා යැම අඩුවෙන් කරන්නන්ය.

"සිංහාසන යෝගය"

 "රජුගේ ආසනය" යන්න අර්ථ දීමට "සිංහාසනය" යන තනි වචනය භාවිතා වේ.මේ ආකාරයට තේරුම් බැලූ විට "සිංහාසන යෝගය" මගින් සිංහාසනයේ වාඩි ගැනීම පෙන්නුම් කරයි.රජවීමක් නැති මෙකළ සිංහාසන යෝගය "ජනාධිපති තනතුරට පත්වීම" හෙවත් "ජනපති පුටුවේ වාඩිවෙන යෝගය" ලෙස සංශෝධනය කරමින් භාවිතා කළයුතු යැයි ඇතැම් අයට සිතිය හැකියි.සිංහාසන යෝගය ගැන බොහෝ දෙනාට මෙවැනි සිතුවිලි පහළ විය හැකි වුවත් සිංහාසන යෝගයෙන් විස්තර කෙරෙන්නේ රජෙක් හා සමාන තත්වයකට පත්වීමයි.

නීච භංග රාජ යෝගය

    විවිධ ග්‍රහ සංයෝග වලින් සෑදෙන "යෝග" පිළිබදව ලියැවෙන ලිපි වලට වැඩි ප්‍රතිචාර දැක්වීමක් දිස්වූ නිසා ඒ පිළිබදව වැඩිපුර ලිවීමට සිතුවෙමි.ඇත්තෙන්ම ජන්ම කේන්ද්‍රයක බලය සැඟවී ඇත්තේ යෝග තුල බව අවධාරණය කළ යුතු වෙයි.

පංච මහා පුරුෂ යෝග

  පංච මහා පුරුෂ යෝග ජ්‍යොතිෂයේ දැක්වෙන්නේ සුභ ග්‍රහ යෝගයන් ලෙසය.කුජ,බුධ,ගුරු,ශුක්‍ර හා ශනි ග්‍රහයන් උච්ච හෝ ස්වක්‍ෂෙත්‍ර බලයෙන් යුතුව කේන්ද්‍රස්ථානයක(1,4,7,10 ස්ථානවල) පිහිටීමෙන් උදාවන මෙම මහා පුරුෂ යෝග පහ පිළිවෙලින් රුචක,භද්‍ර,හංස(ගුරු හංස),මාලවී හා ශශ නම්වේ.

පරිවර්තන යෝග

           ග්‍රහයන් දෙදෙනෙකු ඔවුනොවුන් අධිපතිකම් දරන රාශි හුවමාරු කර ගනිමින් පිහිටීම පරිවර්තන යෝගවේ.බ්ලොගයට ආධුනික පාඨකයන්ගේ දැන ගැනීම සදහා එක් එක් ග්‍රහයන් අධිපති කම් දරන රාශීන් පහත දක්වා ඇත.