ඒ 1920 වර්ෂයයි.ෆ්ලොරීඩා ප්‍රාන්තයේ ගැමි ප්‍රදේශයක දිවි ගෙවූ 31 හැවිරිදි එඩ්වර්ඩ් ලීඩ්ස්කින් ක්‍ෂය රෝගයෙන් පීඩා විදි ඉතා දුර්වල සිරුරකින් යුත් අඩි පහයි අඟල් දෙකක පමඟ උසකින් යුත් තරුණයකු විය.තම රෝගී තත්ත්වය නිසාම තමා පෙම් කල පෙම්වතියගේ දෙමාපියන් ඇයව තමාට විවාහ කරදීම ප්‍රතික්‍ෂේප කිරීම නිසා ලිඩ්ස්කින් සිටියේ බලවත් කනස්සල්ලෙනි.තම පෙම්වතිය තමාට අහිමි වුවත් ඈ සමඟ ගතකල කාලය සොදුරු මතකයක් ලෙස ඔහුගේ සිත් පත්ලේ තැන්පත්ව තිබුනි.කුඩා කල සිටම පාශාණ වලින් විවිධ නිර්මාණ කිරීමට පුරුදුව සිටි ලිඩිස්කින් තම පෙම්වතිය වෙනුවෙන් සිහිවටනයක් ලෙස කොරළ් පාශාණ වලින් මාලිගාවක් නිර්මාණය කිරීමට සිතක් පහළ වූයේ තම පෙම්වතියට තමන් තුල තිබූ අසීමිත ගෞරවාන්විත ආදරය ඇයටත් ලොවටත් පෙන්වා දීම පිණිසය.
ලිඩ්ස්කින් උපතින් ඇමෙරිකාණුවකු වුවත් ඔහුගේ මී සීයා ඇමෙරිකාව බ්‍රිතාන්‍යයන් විසින් ජනාවාස කිරීමේදී එරටට සංක්‍රමණය වූ අයෙක් විය.බිතාන්‍ය සෙබලකු වූ ඔහු යටත් විජිත සමයේ ඉන්දියාව හා ශ්‍රී ලංකාව වැනි රටවල ආක්‍රමණික හමුදාව නියෝජනය කල අයෙක්ද විය.ඉන්දියාණුවන්ටත් වඩා ශ්‍රී ලාංකිකයන් වාරිමාර්ග හා පාශාණ නිර්මාණ තාක්‍ෂණයෙන් උසස් තත්වයක සිටීම පිළිබදව විශ්මයට පත්වූ බ්‍රිතාන්‍යන් අතර සිටී ලිඩ්ස්කින්ගේ මී සීයා බ්‍රිතාන්‍ය හමුදාවේ උසස් නිලයක් දැරූවකු විය.තමන් විශ්මයට පත්කල ලාංකිකයන්ගේ තාක්‍ෂණය පිළිබද සොයා බැලූ ඔවුන් රුවන්වැලි සෑය මිරිසවැටිය වැනි විශාල දාගැබ් හා වැව් බැදි තාක්‍ෂණය ගැන ලියැවී තිබූ රහස් ග්‍රන්ථ කීපයක්ම බලෙන් මෙන් ලබා ගෙන සිය රටට ගෙන ගියේය.මෙලෙස ලංකාවෙන් එන්ගලන්තයට පැටවුනු එක් ග්‍රන්ථයක් මී සීයාගෙන් උරුමව ලිඩ්ස්කින් සතුව තිබුණි.එතරම් ලොකු අධ්‍යාපනයක් නොලැබුවත් ඉපැරණි හෙළ භාෂාවන් පිළිබදව උගෙනුමක් තිබූ ලිඩ්ස්කින් තමා සතුව තිබූ පෙරදිග ග්‍රන්ථයේ අන්තර්ගත තාක්‍ෂණය වටහා ගැනීමට සමත් විය.
------------------------------------------------------------------------------------------------------------
"අම්මේ අම්මේ.. අද අපි හරි පුදුම දෙයක් දැක්කා"
"මොකක්ද"
"අද අපි යාළුවෝ සෙල්ලම් කර කර හිටියේ ලිඩ්ස්කින් අයියා ඉන්න ගෙදර ලඟ පිට්ටනියේ"
"කවුද ඔය ලිඩ්ස්කින් කිව්වේ අර උතුරෙන් ආපු කෙට්ටු කෙනාද?"
"ඔව් ඔව් එයා තමයි.එයා ඉන්නේ තනියමයි.අපිට වතුර තිබහක් හැදිලා ලිඩ්ස්කින් අයියගේ ගෙදරට යනකොට අපි දැක්ක එයා පොඩි පොඩි කොරළ් ගල් කෑලි එකතු කරලා මොනවදේ දියර ජාතියක් අර කොරල් ගල් ගොඩට ඉහිනවා එතකොට අර කොරල් ගල් ගොඩ එකට හා වෙලා ලොකු කොරල් ගලක් හැදෙනවා.ඊට වඩා පුදුමේ කියන්නේ එයා ඊට පස්සේ මොකක්දේ කරු තුනකින් හදාපු උස ඉනිමඟක් වගේ දෙයක් අර ලොකු කොරල් ගලට ලංකලාම කොරල් ගල අහසේ පාවෙන්න ගත්තා.මේ සේරම එයා කලේ කාටවත් පේන්නේ නැති විදියට හැංගිලා වගේ ඉදලා. අපි හොරෙන් තමයි බලන් හිටයේ."
------------------------------------------------------------------------------------------------------------
තමා විසින් ටොන් ගනන් බර කොරල් ගල් ඉහලට ඔසවා මාළිගාව නිර්මාණය කරන ආකාරය අසල්වාසී කුඩා දරුවන් දැකීමත් ඒ අනුව එය වැඩිහිටියන්ටද ආරංචි වීම නිසා ලිඩ්ස්කින්ට තම මාළිගාව හදන ස්ථානය වෙනසා කොට තවත් සැතපුම් 100 ක් පමණ ඈතින් වූ රහස් ස්ථානයක් කරා රැගෙන යාමට අදහස් කළේ තම කාර්යය රහසිගතව සිදු කිරීමට ඔහුට අවශ්‍ය වූ බැවිනි.
කෙසේ හෝ අවසානයේ තම ජීවිතයේ අවසන් වසර 21 ලිඩ්ස්කින් ගතකළේ තම පෙම්වතියට සිහිවටනයක් ලෙස සෑදූ මාළිගාව අවසන් කිරීමටය.ඔහුගේ උත්සාහය සාර්ථක කරමින් ලෝකයේ විශ්මිතම නිර්මානයක් වූ ඒ කොරල් මාළිගාව වෙනත් කිසිම සේවකයකුගේ හෝ උදවුවක් නොමැතිව ලිඩ්ස්කින් අතින් තනිවම සාදා අවසන් විය..
තමා කොරළ් පාශ්ණ එක් කළ තාක්‍ෂණය හා ටොන් ගනන් බර ගල් කුට්ටි එසවූ තාක්‍ෂණය ලිඩ්ස්කින් ලොවට හෙළි නොකලත් ඔහු විසින් ලියන ලද " " නම් කෘතියේ මෙම තාක්‍ෂණය පිළිබද වක්‍ර ලෙස දැක්වීමක් සිදු කල බව ලිඩ්ස්කින්ම පවසයි.ඔහගේ අදහස අනුව විද්‍යුතය,ගුරුත්වය හා චුම්භකත්වය එකම පොදු ක්‍ෂෙත්‍රයකින් පාදක වූවක් බවයි.පෘථිවියේ ගුරුත්වාකර්ෂණය බිදදමා ප්‍රති ගුරුත්ව බලයක් ඇති කොට එමගින් පොලොව මත වු බර වස්තුවක් ඉහළ අවකාශයට මුදාහළ හැකි බවත් පෘථිවි චුම්භක ක්‍ෂෙත්‍රය ස්ථානීය වශයෙන් වෙනස් වන ආකාරය අනුව ප්‍රතිරෝධී චුම්භක මගින් ප්‍රති ගුරුත්වයේ බලය වෙනස් කරමින් එය අවකාශයේ යම් උසකට හෝ එසේත් නැත්නම් සැතපුම් ලක්‍ෂ ගානක් ඈත අභ්‍යාවකාශයට නිමේෂයකින් මුදාහල හැකි බවත් ලිඩ්ස්කින්ගේ අදහසයි.
විසිවන සියවසේ මහා විද්‍යාශයා ලෙස කිරුළු පලන් ඇල්බට් අයින්ස්ටයින් තම දිවියේ අවසන් වසර 25 ගතකොට ඇත්තේ විද්‍යුතය,ගුරුත්වාකර්ෂණය හා චුම්භකත්වය යන ක්‍ෂෙත්‍ර තුන එක් ක්‍ෂෙත්‍රයකට කැටි කොට "ඒකීකෘත ක්‍ෂෙත්‍රයක්" වාදයක් ලෙස ඉදිරිපත් කිරීමටය.නමුත් අයින්ස්ටයින්ට තමන් මිය යන තුරුම එය සිදු කළ නොහැකි විය.වර්තමානයේ ප්‍රති ගුරුත්වය පිළිබදව යම් යම් හෙළිදරව් වීම් සිදු වී ඇතත් ලිඩ්ස්කින් තමන් ප්‍රති ගුරුත්වය ජයගත් ආකාරය ලොවට හෙළි කොට තිබුනේ නම් විද්‍යා හා අභ්‍යාවකාශ තාක්‍ෂණය අද වන විට මීට වඩා දියුණු තත්ත්වයකට පත්වීමට ඉඩ තිබුනි.
ලිඩ්ස්කින් විසින් සෑදු කොරල් මාළිගාව පිළිබද යූ ටියුබ් වීඩියෝවකට හා ඔහු විසින් රචිත ග්‍රන්ථයට සබුදියක් මේ සදහා උනන්දු පාඨකයන් වෙනුවෙන් පහත දක්වා ඇත.
http://freeenergynews.com/Directory/Magnets/Leedskalnin/Magnetic-Current_Edward-Leedskalnin_51pp.pdf
මතු සම්බන්ධයි.
1 comment:
pls continue
Post a Comment