LANKA JHOTHISHA ARANA ලංකා ජ්‍යොතිෂ අරණ

ජ්‍යොතිෂය පිලිබඳ වැටහීමක් ඇති හා නැති සියළු ලාංකීය හා විදේශීය සිංහල ජනයා වෙනුවෙන් සකසන ලද මෙම බ්ලොග් අඩවියේ සැරිසැරීමට ඔබ සැමට සුහද ආරාධනා.

Sunday, July 1, 2012

ආවර්තනය

තමා දකිමින් සිටි සිහිනය අතරතුරදීම විමලසුරිය නින්දෙන් අවදි විය.නිදිමත තවමත් ඔහුගේ දෑස්වලය.තමා දකිමින් සිටි සිහිනයෙන් අඩකදී  අවදි වුවත් විමලසූරියට එම සිහිනය අමුතු දෙයක් නොවීය මන්ද පසුගිය වසර පුරාම සෑම දිනකම පාන්දර යාමයේ ඔහු එම සිහිනයම නැවත නැවත දුටු බැවිනි.

     ඇද ආසන්නයේම තිබූ මේසය මත වූ කුඩා ඔරලෝසුවේ හිස මතවූ කුඩා ස්විචය ඔබා දල්වා ගත් එහි අභ්‍යන්තර ආලොකයෙන් වේලාව පාන්දර 5ට ආසන්න බව ඔහු දැක බලා ගත්තේය.

   තමන් දුටු සිහිනයේ දර්ශනය වූ බ්‍රාහ්නයකු බදු පුද්ගලයා විසින් තමාට සිදු කිරීමට බල කරන කටයුත්ත ඉටු කිරීමට හේ අදිටන් කලේ සිහිනය දුටු මුල් දින වලදීමය. තමා විසින් සිහිනයෙන් දුටු බ්‍රාහ්මනයා දුන් උපදේශය ඉටු කිරීමෙන් ලබා ගතහැකි ප්‍රතිඵල ගැන සම්පූර්න විශ්වාසයක් ඔහු තුල මුල් අවධියේ නොතිබුනත් උපතින්ම අභිරහස් කුතුහල දායක ගවේශන වලට ලැදි කමක් දැක්වූ ඔහුට ඒ පිළිබදව බලාපොරොත්තුවක් විශ්වාසයක් නිරායාසයෙන් මෙන් දිනෙන් දින ඇති විය.

      අඩ නින්දෙන්ම ඔහු බිත්තියේ එල්ලා තිබූ කැළැන්ඩරය දෙස බැලුවේය.2012 ජූලි 2 සදුදා අද දිනය විය.තමා පුරා වසරක් මුළුල්ලේ සූදානමින් සිටි සුවිශේෂී දිනය හෙට දිනයේ එනම් ඇසළ පුර පසලොස්වක දිනයේ උදාවේ.

  වහා හදිසියේ යමක් සිහියට නැගුණු විමලසූරිය නිදි ඇදුමින්ම නැගිට ගොස් මේසය මත වූ දුරකථනයෙන් තමගේ හොදම මතුරා වූ ජයවර්ධනගේ දුරකථන අංකයට කතා කලේය.

  "මචං ජයේ... මම විමලේ කතා කරන්නේ ඔන්න අපි කතා කරගත්ත විදියට හෙට ඇසළ පෝය දවසේ වැඩේට උඹ ලෑස්තියිනේ... අනිත් අය සේරටමත් මතක් කලානේ..."

  " හරි හරි මම ලෑස්තියි...ඒත් මටනම් හිතෙන්නේ මේක මහ පිස්සු වැඩක් කියලා අපි 108 දෙනාගෙන් භාගයක්ම වගේ හැට පැනපු නාකි අය..ලග්ගල කන්ද නගින්න ගිහිල්ල අපේ කට්ටිය මග නහීද දන්නේ නැහැ..."

  " ඕකනේ .. උඹ ඉතින් වැඩේ පටන් ගන්න ඉස්සෙල්ලා පේන බලල ඉවරයිනේ.අනික අපි මේ කරන්නේ නරක වැඩක් නෙවෙයිනේ..නිධානය නොලැබුනත් අඩුම තරමේ සිල් සමාදන් වෙච්ච පිනවත් ලැබේවිනේ...ඔන්න එහෙනම් හෙට වැඩේ අමතක කරන්න එපා.ආ..එතකොට සුදු මල් පුළුවන් තරම් කඩා ගෙන එන්න අමතක කරන්නත් එපා.අර වැඩේට සෙට් කරගත්තු තරුණ ළමයිගෙන් සමහරුන්ට කරණීය මෙත්ත සූත්‍ර හරියට උච්චාරණය ඇතිව කියන එක පුරුදු කරන එක සමරේට භාර කලානේ.මිනිහ ඒක හරියට කරල ඇති කියලා මට විශ්වාසයි....."

   "ඒ වැඩේ හරි කියල සමරේ කිව්වා.අනිත් අයත් සේරම සති ගානක් තිස්සේ පේවිලා වැඩේට සූදානමින් ඉන්නවා කියලාත් කිව්වා.."

-------------------------------------------------------------------------------------------------------------

                                                          
 ස්ථානය  - ලග්ගල කදු පාමුළ
 වේලාව   - 2012 ජූලි 3 වෙනි ඇසළ පුන් පොහෝ දින උදෑසන 9.00 පමන

  වෙනදා පාලු සොහොන් පිට්ටනියක් මෙන් මුඩු ස්වභාවයක් ඇති එම ස්ථානය  අද  අට සිල් සමාදන් වූ පිරිමින් 108 දෙනාගෙන් පිරුණු ස්වභාවයක් දරා ඇත.හිරු එළිය වැටී ඇතත් අවට පරිසරයේ අධික ශීතල ගතියක්ම විය.සුදු වතින් සැරසී සුදු මල් වට්ටිය බැගින් අතින් ගෙන කරණීය මෙත්ත සූත්‍රය ඉතා නිවැරදිව සජ්ජායනා කරමින් ලග්ගල කදු මුදුනට ඇදෙන ධවල සේනාවේ දර්ශනය ඉතා හොදින් අලංකාරව දැක ගත හැක්කේ අහසේ සිට බලන අයකුටය.පිරිසේ ඉදිරියෙන්ම ගමන් කරන්නේ අපේ කතාවේ තාවකාලික කතානායකයා වූ "විමල සූරිය" නම්වූ වයෝවෘද්ධා තැනැත්තාය.

    කදු මුදුනට ඇදෙන පිරිසට අමතරව තවත් එක් පුද්ගලයකු වෙත අපගේ අවධානය යොමු විය යුතුය."සිද්ධ රාජ" තල් පත් තීරු කියවූ ඉන්දියානු මන්ත්‍ර පවුලකින් පැවත එන්නන් පරම්පරා ගනනක් තිස්සේ ශත වර්ෂ ගනනාවක් ඇසළ පුන් පෝහෝ දිනවල ලග්ගල කන්ද අසල නිරීක්‍ෂණය කලේ ඉදිරි අනාගතයේ කවදා හෝ දිනක ඉහත දැක්වූ සිද්ධි සමුදාය සිදු විය හැකි බව දැනගෙනය.ඉන්දීය මන්ත්‍ර පරපුරේ බමුණන් පරම්පරා කිහිපයක්ම ශත වර්ෂ ගනනාවක් මෙම නිරීක්‍ෂනයේ නිරත විය.මෙවර එම නිරීක්‍ෂණයේ යෙදීම සිදු කරන්නේ "වානක්‍ය ෂට්" නමැති බමුණාය.තමන්ගේ පරපුරේ මුතුන් මිත්තන් ශත වර්ෂ ගනණාවක් පුරා බලාපොරොත්තු වූ දෙය සාර්ථක කර ගැනීමේ අවස්ථාව උදා වී ඇත්තේ තමාටය.ධවල වර්ණයන් සැරසුණු පිරිමින් පිරිස කන්ද තරණය කරන දර්ශනය දුටු "වානක්‍ය ෂට්" එක්වරම අදහාගත නොහැකි අයුරින් වික්‍ෂිප්ත විය.

     කපටි රෞද්‍ර සිනහවකින් තමාටම සිනාසුනු වානක්‍ය නරියකු මෙන් උපාසක පිරිසට සමාන්තරව නමුත් ඔවුනට නොපෙනෙන සේ වෙනත් මාර්ගයකින් තනිවම කන්ද තරණය කරන්නට විය.තමාගේ පරම්පරාවේ නැසී ගිය මුතුන් මිත්තන් සියල්ල තමන් දෙස බලා සිටන ආකාරයේ හැඟීමක් වානක්‍යට හැඟී ගියේය.ඔවුන් සියළු දෙනාගේ අවතාර තමා සමඟ තමන්ගේ ගමනට රුකුල් දීමට තමා සමඟ එක්ව සිටින්නාක් මෙන් දැනුනි.

    ඇසළ පුන් පෝදා ගමන් ඇරඹූ උපාසක පිරිස එකොලොස්වන දිනයේදී කන්ද මුදුනට ලගා විය.සිහිනෙන් තමාට කතා කළ බ්‍රාහ්මනයා පැවසූ ආකාරයට කන්ද මුදුනේ වූ තුන්මන් හන්දිය සොයා ගැනීම විමලසූරිය ප්‍රමුඛ උපාසක පිරිසට තරමක් අසීරු විය.

-------------------------------------------------------------------------------------------------------------

 විමලසූරිය ප්‍රමුඛ උපාසක පිරිස ලග්ගල කදු මුදුණ තරණය කරද්දී  අනුරාධපුර මහමෙව්නා උයන අසල අරුම පුදුම සිද්ධි සමුදායක් විය ඒ කුමක්ද?..
  
                                                                    මතු සබැදේ 

3 comments:

  1. කුතුහලේ රැදුනු අපුරු කතාවක් වගෙයි...ඉතුරු ටිකත් දාමුකෝ ..

    ReplyDelete
  2. නියමයි....!!!! කතාවේ අනික් ටිකත් ඉක්මනටම ලියන්න අයියා....

    ReplyDelete
  3. රාවණා රජතුමාට පණ දෙන්නවත්ද මෙයාල යන්නේ ?

    ReplyDelete

Related Posts Plugin for WordPress, Blogger...