LANKA JHOTHISHA ARANA ලංකා ජ්‍යොතිෂ අරණ

ජ්‍යොතිෂය පිලිබඳ වැටහීමක් ඇති හා නැති සියළු ලාංකීය හා විදේශීය සිංහල ජනයා වෙනුවෙන් සකසන ලද මෙම බ්ලොග් අඩවියේ සැරිසැරීමට ඔබ සැමට සුහද ආරාධනා.

Tuesday, May 22, 2012

මෙන්නෝ....අපේ ලොකු හාමුදුරුවෝ බලල් බෙටි කෑවෝ.

මේකත් තොටගමු ශ්‍රී රාහුල හිමි සාමනේර අවදියේදී කරපු වැඩක් ගැන කියවෙන කතාවක්.මේ කතාව තියෙන්නේ කුඩා රාහුල හිමිගේ දඟකාර කමද එහෙම නැත්නම් බුද්ධියද කියල එක පාරට කියන්න බැහැ.සමහර විට ඒ දෙකම වෙන්න පුළුවන්.හරි වැල් වටාරම් පැත්තක දාල කතාව කියන්නම්කෝ..

     රාහුල පොඩි හාමුදුරුවෝ තොටගමු විහාරයේ සාමනේර අවධිය ගත කරන කාලෙදි ඔන්න කවුදෝ කෙනෙක් පන්සල් වත්තට පුංචි පූස් පැටියෙක් ගෙනත් දාලා තිබුනා.අපි කවුරුත් දන්නවනේ පොඩි ළමයි පූස් පැටවුන්ට හරි ආදරෙයි කියලා.ඉතින් රාහුල හාමුදුරුවෝමේ පූස් පැටියට කන්න බොන්න දීල හරි ආසාවෙන් හදන්න ගත්තලු.පූස් පැටියත් රාහුල හාමුදුරුවන් තමන්ට දක්වන කරුණාව ගැන තේරිල එයා ලගින්ම ඉන්නවලු.
   රාහුල පොඩි හාමුදුරුවෝ පූස් පැටියට ආදරෙන් සැලකුවාට විදාගම ලොකු හාමුදුරුවෝ මේ බළල් කරදරේට එච්චර කැමති නෑ මොකද පූස් පැටිය හැම තැනම අහු මුළුවල ජරා කරනවා මුළු පන්සලම ගදයි.ඉතින් දවසක් ලොකු හාමුදුරුවන්ට හොදටම කේන්ති ගදහිල්ල රාහුල හාමුදුරුවන්ට කතා කරලා කියනවලු
  "පොඩි නම මේ බලළ් පැටියව වහාම උපාසක මහත්තෙකුට බාර දෙන්ටෝන.බලන්න ඒකා හැම තැනම ජරා කරනවා.මුළු පන්සලම ගදයි.ඔන්න බළල් පැටිය හෙටම කාට හරි දුන්නේ නැත්නම් බළළ් බෙටි පොඩි නමටම කවනවා."
    ලොකු හාමුදුරුවෝ හරිම තදින් එහෙම කිව්වහම රාහුල හාමුදුරුවන්ට හොදටම බය හිතුනා මොකද ලොකු හාමුදුරුවෝ ඒ වගේ දෙයක් කිව්වොත් නොකර ඉන්නෙතා නැති බව රාහුල හාමුදුරුවෝ දන්නවා.ඒත් හුරතල් බළල් පැටියව කාටවත් දෙන්න රාහුල හාමුදුරුවන්ට හිතෙන්නේ නෑ.අන්තිමේ පුංචි කමට රාහුල හාමුදුරුවෝ පොඩි උප්පර වැට්ටියක් දැම්මලු.
   රාහුල හාමුදුරුවෝ හකුරුයි තලයි මිශ්‍ර කරලා ගුලි වගයක් හදා ගත්තා මේ ගුලි දැන් පිටතට පේන්නේ බළල් බෙටි වගේමයි.ඉතින් පහුවදා උදේම රාහුල හාමුදුරුවෝ බලල් බෙටි තිබුනු තැන්වලින් ඒව ඉවතා කරලා අර හකුරු තල් ගුලි ඒ තැන්වල තිබ්බලු බලල් බෙටි වගේ පේන්න.ඉන් පස්සේ ආයිතා ගදහින් ටිකක් නිදා ගත්තලු.
   ලොකු හාමුදුරුවන්ට උදේ පාන්දරම බළල් බෙටි දැකලා හරි කේන්තියිලු.පොඩි නමව ඇහැරෝගෙන බලල් බෙටි ලඟට ගිහින් පෙන්නුවලු
  "මේ බලනවා පොඩි නම අදත් අර බලල් පැටිය බන මඩුවෙත් ජරා කරලා.පොඩි නමට මම එදා කිව්ව නේද කරන්න ඕන දේ."
  ලොකු නම එහෙම කියලා කිව්වේ තමන් කලින් දවසො කිව්ව බලල් පැටිය කාට හරි දෙන්න කියන එක නැවත මතක් කරන්න.ඒත් ලොකු හාමුදුරුවොත් පුදුම කරවල මෙන්න එකපාරටම රාහුල හාමුදුරුවෝ
  "මට තේරෙනවා.නායක හාමුදුරුවනේ.ඔබ වහන්සේ එදා කිව්වේ බලල් බෙටි මට කන්න කියලනේ.මම එහෙනම් බලල් බෙටි කන්නම්"
   මෙන්න මෙහෙම කියලා රාහුල හාමුදුරුවෝ අර බළල් බෙටි වගො තිබුනු හකුරු තල ගුලි සේරම
රස කර කර කාගෙන කාගෙන ගියාලු.
   රාහුල හාමුුරුවෝ කරපු වැඩේට ලොකු හාමුදුරුවෝ තක්බීර් වෙලා ගියා.පොඩි හාමුදුරුවන් බලළ් බෙටි කෑවේ තමන් කිව්ඬ හින්ද කියලා විශාල දුකකුත් ලොකු හාමුදුරුවන්ට දැනුනා.පොඩි හාමුදුරුවන්ට තමන් කරපු වැඩේට යටි හිතින් හිනා.
   ඔන්න ඉතින් ඊලඟ දවසේ උදේ පාන්දර ලොකු හාමුදුරුවෝ බන මඩුවට උදේම යනකොට බලල් බෙටි එදත් තියෙනවලු දිලිසි දිලිසි.කලින් දවසේ පොඩි හාමුදුරුවෝ බලල් බෙටි රස කර කර කාපු එක ගැන ලොකු හාමුදුරඑවන්ට හරි පුදුමයිලු බළල් බෙටි වල අමුතු රසයක් තිබේදැයිබලන්න නායක හාමුදුරුවන්ටත් හිතිල හෙමින් සීරුවේ බලල් බෙට්ටක් අතින් අරගෙන ටිකක් කඩලා අරගෙන දිවේ තියලා බැලුවළු.
   නායක හාමුදුරුවෝ දන්නේ නැති වුනාට රාහුල පොඩි හාමුදුරුවෝ පැත්තක හැංගිලා බලන් හිටියො ලොකු හාමුදුරුවෝ බළල් බෙටද කන හැටි.ඉතින් පොඩි හාමුදුරුවොත් මහ හයියෙන් කෑ ගහලා කිව්වළු
  "මෙන්නෝ....අපේ ලොකු හාමුදුරුවෝ බලල් බෙටි කෑවෝ.."
   කියලා රාහුල හාමුදුරුවන්ගේ සද්දෙට පන්සලේ හිටපු හැමෝම එතනට දුවගෙන ආවලු.එතකොටත් නායක හාමුදුරුවන්ගේ අතේ බලල් බෙට්ට තියෙනවළු.ඉතින් ඊට එහා වෙච්ච දේ හිතා ගන්න පුළුවන්නේ.
   
  --------------  මතු සම්බන්ධයි --------------------

1 comment:

  1. එපා වෙනවා ! බලන් ගියාම රාහුල හාමුදුරුවොත් හෙන ඇට්ටරයෙක් නේ !!!

    ReplyDelete

Related Posts Plugin for WordPress, Blogger...