ශුන්‍යයයෙන් නවීන විද්‍යාවට - 7

 එම්බා ශුන්‍යය !
             නූඹ නම් ලොවට මහා ප්‍රශ්ණයකි.වෙස් පෙරලන නළුවෙකි..
             නුඹ කුමන ආකාරයක්ද?නොවිසදුනු ගැටළු රාශියකි.
             නුඹ ඉරට්ටේද?නුඹගේම බලයේ අගය කීයද?
             විද්‍යා ලොවේ පෙරදිගින් පායපු හිරු නුඹලු....
             නුඹ නැත්නම් සුදදන්ටත් වැඩ බැරි වෙනවලු....

2013 ඔක්තෝම්බර් 05 දින අඟහරු කටකයෙන් සිංහ රාශියට...ලග්න රැසකට සුභඵල

  2013 අගෝස්තු 19 දිනෙන් කටක රාශිය තුල නීචව ගමන් කල අඟහරු ග්‍රහයා 2013 ඔක්තෝම්බර් 05 වැනි දින එනම් අද දින රාත්‍රී 7.41 ට පමණ ස්වකීය නීච ගමන නවතා සිංහ රාශියට පිවිසේ.ඇතැම් මූල ග්‍රන්ථ වල සිංහ රාශිය අඟහරු හෙවත් කුජට සතුරු රාශියක් ලෙස දක්වා ඇතත් සාමාන්‍ය පෙරදිග මතය අනුව අඟහරුට සිංහ රාශිය මිත්‍ර රාශියක් ලෙස සැලකේ.

   ග්‍රහ ලොව සෙන්පති ලෙස හදුන්වන සටන්කාමී අඟහරු ග්‍රහයා බලවත් වූ විට නිර්භීතකම,බලය,ශක්තිය අධිෂ්ඨානය නායකත්ව හැකියාව වර්ධනය කරන අතර දුබල වූ විට කෝපය,දීන කම,ප්‍රචන්ඩත්වය,මුරණ්ඩුකම වර්ධනය කරයි.

   මිතුරන්,සතුරන්,බාල සොයුරන්,පියාගේ ඥාතීන්,ආරක්ෂාව හා විපත් ,ආශාව, පුරුෂ ශක්තිය ,රුධිර ගත රෝග ආදියේ දියුණුව හෝ පිරිහීම කුජ නිසා ඇතිවන බව කියයි.

    තේජෝ රාශියක් වන සිංහයට තේජෝ ග්‍රහයකු වන කුජගේ පැමිණීම කුජ බලය මනාව ඉස්මතු කරයි.

 කෙසේ වුවත් කුජ සිංහ රාශි ගත වීම වෘෂභ,කන්‍යා,මකර ලග්න හිමියන්ට අසුභ දායකය.සෞඛ්‍ය හා තුවාල අනතුරු පීඩා වලින් මෙන්ම සතුරු කරදර හා නීති ප්‍රශ්ණ වලින්ද එම ලග්න හිමියන්ට අපලවේ.වෙනත් ග්‍රහයන්ගේ බල දුබලතා අනුව මෙම අපල විෂ අඩු වැඩි වේ.

    2013 නොවැම්බර් 26 දක්වා අඟහරු සිංහ රාශියේ ගමන් කරයි..

ශුන්‍යයයෙන් නවීන විද්‍යාවට - 6

      *  0! = ?

               ඔබ කැල්කියුලෙටර් යන්ත්‍රයකින්  0! (Zero Factorial) හි අගය විමසා බලන්න.   පිළිතුර ලෙස 1 ඔබට ලැබෙනු ඇත.

ශුන්‍යයයෙන් නවීන විද්‍යාවට - 5

   

ත්‍රීවිල් රියැදුරා

        මේකනේ මල්ලි.. දුප්පත් කමට ත්‍රීවිල් එලෙව්වට මම ඔලෙවලුත් පාස් කරල තියෙනවා.ඒ ලෙවල් කරන්න තරම් ආර්ථිකේ නැති හින්ද ඒ කාලෙම ත්‍රීවිල් ජොබ් එකට සෙට් වුනා.  අපේ අංක ගණිතෙ සෑර් අපට කියල දුන්නු ඒවා අපිට තාම මතකයි.එයා අපට කියපු විදියට ඕනම ඉලක්කමක බින්දුවේ බලය අගය 1යි.ඒ කියන්නෙ බින්දුවේ බින්දුව බලේ වටිනාකමත් 1 යි.

ශුන්‍යයයෙන් නවීන විද්‍යාවට - 4

 අප කුඩා අවදියේ මුළු රටේම අවධානයට ලක්වූ අපූරු සිද්ධියක් ග්‍රාමීය පාසැලක 5 වසර  පාසැල් පන්ති කාමරයකදී සිදු විය. පන්ති භාර ගුරුතුමිය විසින් දරුවන්ට ස්ත්‍රී පුරුෂ ලිංග නාම හදුන්වා දීම සිදු කොට පැවරුමක් ලෙස පුරුෂ ලිංග වචන ලබා දී ඒවායේ ස්ත්‍රී ලිංග පද සිසුන්ට ලියා දක්වන ලෙසය.

ශුන්‍යයයෙන් නවීන විද්‍යාවට - 3

   නැවත ඛන්ඩාංක ජ්‍යාමිතිය අනුව යමින් y=f(x) බහුපද වක්‍රයක  P නම් ලක්ෂ්‍යක් සැලකූ විට P හිදී වකුයට ඇදි ස්පර්ශකය නිව්ටන්ගේ අවධානයට ලක්විය.මෙම P ලක්ෂයය හරහා යන කේන්ද්‍රය x අක්ෂය මතවූ වෘත්ත අතරින් එක් වෘත්තයක් පමනක් P හිදී වක්‍රය ස්පර්ශ කරන බව නිව්ටන් වටහා ගත්තේය.

ශුන්‍යයයෙන් නවීන විද්‍යාවට - 2

   ක්‍රි.ව. 1646 ජූලි 01 දින  ජර්මනියේ  Leipzig හි උපන් ගොඩ්ෆ්‍රිඩ් විල්හෙල්ම් ලයිබ්නීස්ගේ පියා ලිප්සිග් විශ්වවිද්‍යාලයේ සමාජ දර්ශන විද්‍යාව පිළිබඳ මහාචාර්ය වරයා විය.ජ්‍යොතිෂය පිළිබඳ දැනුවත් කමක් තිබූ ෆෙඩ්රික් ලයිබ්නීස් මහාචාර්ය වරයා තම පුත්‍රයා උපන් හවස 6.45 වේලාවට කුම්භ ලග්නය උදාවෙමින් තිබූ බව සටහන් කොට තිබුණි.

ශුන්‍යයයෙන් නවීන විද්‍යාවට

 “ළමයි මේ මල් ඉත්තේ මල් කීයක් තියෙනවද?“ තමා අත රැඳි මල් කිණිත්තක පින්තූරය සිසුන් වෙතට හරවා ගුරුතුමිය ආදරයෙන් ඇසුවාය

   “1....2......3......“ කුඩා දරු පිරිස ශබ්ද නඟමින් මල් කිණිත්තේ මල් ගනින්න වූහ.

“මල් හතරයි ටීචර්“ දක්ෂ කුඩා දරුවන් කිහිප දෙනෙකු පළමුව උත්තර දුන්හ.

“හරිම හොඳයි...උත්තරේ හරි....එහෙනම් කියන්න බලන්න මේ මල් කිණිත්තේ මල් කීයක් තියෙනවද?“ තමා අත වූ තවත් පින්තූරයක් සිසුන් වෙත හරවා ගුරුතුමිය ඇසුවාය.

“ඒ මල් කිනිත්තේ මල් නෑනේ..ටීචර්.....“ කුඩා දරුවෝ එකවර කෑ ගැසූහ....

තෙද බල ඇති කඳ සුරිඳුනි!

 තෙද බල ඇති කඳ සුරිඳුනි!

              ඔබගේ නාමය විකුණමින් මුදල් වාසි අරමුණූ කොට බොරු බේගල් ඇඳ බා අහිංසකයන් රවටන අයට පුංචි දඩුවමක් හරි ලැබේවා.උන්ගේ බොරු අසා අද දින ඔබව සියැසින් දැක ගැනීමේ අදහසින් කතරගම යන සියළු අහිංසක මෝඩ ජනතාවට ආරක්ෂාව සලසනු මැනවි.

          

අෂ්ටක මොටද දැන් උඩු බුරපල්ලා!

ඉඩ   කඩ  නිදහසේ ලැබ දොර ඇර    කූඩු
අඩ  නිරුවතින්  උන්නත්  නැත    අඩුපාඩු
හැඩ   වැඩ වී මඟුල් ගමනට     කිරිකෝඩු
ගොඩ වෙති පෝරු මස්තකයට බලු ජෝඩූ

කාබන් කාල නිර්ණකයද? පුරා විද්‍යා ජ්‍යොතිෂයද?

    කාබන් කාල නිර්ණක ක්‍රමය පිළිබඳව මෑත කාලීනව අපේ රටේ වැඩිපුර කතාබහට ලක්වූයේ මාතලේ සමූහ මිනී වලත් සමඟය.මිනීවලෙන් මතුවූවන්ට එම ඉරණම අත්වූයේ කුමන වකවානුවක් තුලදීද යන්න ගැටළුවක් වූයේ 1971 හා 1988-89 භීෂණ කාල වකවානු දෙක තුලදීම මෙවැනි සමූහ මිනිස් ඝාතන සිදුවූ බැවිනි.
  මාතලේ සමූහ මිනීවලෙන් මතුවූවන්ගේ මරණය සිදුවූ කාලය දැන ගැනීමට සාම්පල් කිහිපයක් පිටරට යැවූ බවට මාධ්‍ය වල පලවී තිබුනි.එහි පරීක්ෂණ වාර්තා කෙබදු වූවා දැයි ලේඛකයා නොදනී.එය මෙම සටහනේ ඉදිරිය සදහා අවශ්‍ය වන්නේද නැත.එම විස්තරය දැක්වූයේ හුදෙක් කාබන් කාල නිර්ණක පරීක්ෂාවේ ප්‍රායෝගික අවස්ථාවක් දැක්වීම පිණීස පමණී..

2013 පහේ ශිෂ්‍යත්ව විභාගයට නිවසින් පිටත්වීමට සුභ නැකැත්.

    

  මෙවර පහ වසර ශිෂ්‍යත්ව විභාගය 2013 අගෝස්තු 25 වෙනි ඉරිදා පැවැත්වේ.මෙම විභාගයට පෙනී සිටින දරුවන් සදහා නිවසින් පිටත්වීමට සුභ නැකැත් වේලා කිහිපයක් පහත දැක්වේ.මෙම වේලාවන් දැක්වීම වේලාසන කල යුතු වුවත් වෙනත් කටයුතු නිසා ප්‍රමාද විය.

තාත්තා

ජ්‍යොතිෂය විෂයානුබද්ධව ලිපි ලේඛන ලියැවෙන මෙම අඩවියේ ඉන් පරිභාහිරව ලියැවුනු ලිපි ඇත්තේ දෙක තුනක් පමණකි.මෙම සටහන මෙම අඩවියට නොගැලපුනත් මා හට වැඩි පිරිසකට ඇමතීමට ඇති අඩවිය මෙම අඩවිය පමනක් බැවින් මෙම සටහන මෙහි දැක්වීම පිළිබඳව පලමුව සමාව අයදිමි.

ජීවී පද්ධති කෙරෙහි ග්‍රහ කාරකා වල බලපෑමක් තිබේද?

ජීවී පද්ධති කෙරෙහි ග්‍රහ කාරකා වල බලපෑමක් තිබේද?

“මිනිසා ඇතුළු පෘථිවි ජීවීන් කෙරෙහි හිරු හා සදු ගෙන් බලපෑමක් ඇති නමුත් පෘථිවියට ඉතා ඈතින් ඇති බ්‍රහස්පති සෙනසුරු වැනි ග්‍රහයන්ගෙන් හා තාරුකා වලින් ජීවි පද්ධති කෙරෙහි කිසිදු බලපෑමක් නැති අතර එවැනි බලපෑමක් ඇති යැයි පිළිගැනීමද අසීරුය. “

ජීවී පද්ධති කෙරෙහි ග්‍රහ තාරුකාවන්ගෙන් බලපෑමක් තිබේද? යන ගැටළුවට බහුලව ලැබෙන පොදු පිළිතුර මෙයයි.පංච ඉන්ද්‍රියන්ට  ගෝචර වන භෞතික ජීව රසායනික තත්ත්වයන් අනුව සලකා බැලූ විට මෙම තර්කය බොහෝ දුරඑට සාධාරණය.

වැරදීම,වැරැද්දීම හා පටලැවීම,.....

“ කොන්ඩඤ්ඤ තවුසානෙනි , පුරා සය වසක් අප පස් දෙනා සිදුහත් තවුසානන්ට ඇප උපස්ථාන කරමින් සිටින්නේ  ඔහු විසින් විමුක්ති සත්‍ය අවබෝධ කර ගනු ඇතැයි දැඩි විශ්වාසයකින් යුක්තවය.පසුගිය සය වස තුල අති දුෂ්කර ක්‍රියා කරමින් අපරිමිත වීර්යයෙන් යුක්තව බවුන් වැඩූ සිදුහත් තවුසා දුෂ්කර ක්‍රියා අතහැර මධ්‍යම ප්‍රතිපදාවට යොමු වී සිටීම ඔබ වහන්සේගේ මෙන්ම අප සිව් දෙනාගේත් මහත් කලකිරීමට හේතුවී ඇත.ධෛර්්‍ය අඩුව විමුක්ති මාර්ගයෙන් ඈත්වෙමින් සිටින සිදුහත් තවුසාට සමඟ තවදුරටත් විසීම පලක් වේද? “

සුභ නැකැත් සෑදීම - 7

සදුගේ පාප කත්‍රී දෝෂය

      චන්ද්‍රයා සිටින රාශියට දෙපස රාශි දෙකේ කුජ,රාහු,කේතු,ශනි,රවි වැනි පාප ග්‍රහයන් දෙදෙනෙකු හෝ කීප දෙනෙකු සිටින කාල සීමාවන් සුභ කටයුතු සඳහා අසුභය.

දුබල චන්ද්‍ර දෝෂය

      * අව අටවක සිට අමාවක දක්වා වූ දින අට තුල සදු බලය දුබලය.සුභ වැඩට යෝග්‍යතාව අඩුයි.

      * සදු සමඟ රාහු ,කුජ,කේතු,ශනි,රවි වැනි පාප ගුහයන් එක් රාශියක සිටින විට සදු බලය දුබලයි.(රාශි 2ක සිටියත් අංශක 15 ට වඩා ඈත් විය යුතුය.)
      * කුජ, ශනි වැනි පාප ග්‍රහ දෘෂ්ටි වලට සදු හසුවී ඇති විටද සදු බලය හීන වන බැවින් එම දිනයන්ද සුභ කටයුතු වලට අයෝග්‍යෙවේ.

ගණ්ඩාන්ත රාශි දෝෂය
   ගණ්ඩාන්ත රාශි දෝෂය ඇතිවන ස්ථාන 3ක් සදහන්ය.ලග්නයක් හා නැකතක් එකවර ගෙවී ඊලඟ ලග්නය නැකත ලබන ස්ථාන වලදී මෙය සිදුවේ.
  1) ප්‍රධාන ගණ්ඩාන්ත දෝෂය
               මීන රාශිය ගෙවී මේෂ රාශිය ආරම්භ වීම මෙන්ම රේවතී නැකත ගෙවී අස්විද නැකත ලැබීම එකවර සිදුවන ස්ථානයේ ප්‍රධාන ගණ්ඩාන්ත දෝෂය යෙදේ.

 2) දෙවන ගණ්ඩාන්ත දෝෂය
                කටක රාශිය ගෙවී සිංහ රාශිය ආරම්භ වීම මෙන්ම අස්ලිස නැකත ගෙවී මා නැකත ලැබීම එකවර සිදුවන ස්ථානයේ දෙවන ගණ්ඩාන්ත දෝෂය යෙදේ.

 3)  තෙවන ගණ්ඩාන්ත දෝෂය
   වෘශ්චික රාශිය ගෙවී ධනු රාශිය ආරම්භ වීම මෙන්ම දෙට නැකත ගෙවී මුල නැකත ලැබීම එකවර සිදුවන ස්ථානයේ තෙවන ගණ්ඩාන්ත දෝෂය යෙදේ.

 ඉහත දැක්වූ ස්ථාන තුනේදී නැකැත් හා රාශි අවසන් වීම එකවර සිදුවන නිසා මෙම ලග්න හා නැකැත් උදාවන සියුම් කාල සීමාවන් සුභ කටයුතු වලින් ඉවත් කල යුතුය.

2013 මැයි 31 ගුරු මාරුව ගැන ජ්‍යොතිෂ පත්තර වල තියෙන පලාඵල හරිද?

 2013 මැයි 31  ගුරු මාරුව ගැන වෙනදාට වඩා වැඩි අවධානයක් මාධ්‍ය වලින් ලබා දී ඇත.මෙම ගුරු මාරුව තම තමන්ට බලපාන අන්දම ආසන්න පසුගිය වසරේ සිටම මා විසින් මාගේ සේවා ලාභීන්ට දන්වා තිබූ නමුත් ගුරු මාරුව මා දුටු අයුරු පුවත්පත් ලිපි සමඟ සන්සන්ධනය කිරීමටත් ජ්‍යොතිෂ විශ්ලේෂනය කිරීම පිණිසත් ගුරු මාරුවේ පොදු ලග්න පලාඵල ගැන ලියවුනු පුවත්පත් ලිපි හා ඉන්දියානු වෙබ් අඩවි කිහිපයක්ම කියවූයෙමි.

සුභ නැකැත් සෑදීම 6

  සුභ නැකතක් සෑදීමේදී අත්හල යුතු දෝෂ රාශියකි.දෝෂ කිසිවක් නොමැති නැකතක් සෑදීම අසීරුවුවත් දෝෂ අවම අයුරින් නැකත සාදා දීම ජ්‍යොතිෂවේදියා සතු කාර්්‍යයකි.සුභ නැකතක් සෑදීමේදී අත්හල යුතු දෝෂ පිළිබඳව සුළු වශයෙන් හෝ අන් අයත් දැන සිටීම යහපත්ය. මෙම ලිපියෙන් සුභ නැකැත් සෑදීමේදී විශේෂයෙන් සලකා බැලිය යුතු අත්හල යුතු දෝෂ කිහිපයක් දක්වා ඇත.

අළුත් අවුරුදු චාරිත්‍ර - 2013

අළුත් අවුරුදු චාරිත්‍ර 2013

 නව සද බැලීම
     මෙය අපේ ඉතා පැරණි චාරිත්‍රයකි.අද වන විට මෙම චාරිත්‍රය අභාවයට යමින් ඇතත් අතීතයේ මෙය ඉතා ඉහලින් පිලිපදින ලද අවුරුදු චාරිත්‍රයකි.අභිනව චන්ද්‍ර මාස හා සූර්ය මාස වෙනුවෙන් අවස්ථා දෙකකදී නවසද බැලීම කරන අතර මින් බලාපොරොත්තු වන්නේ ලබන්නාවූ අළුත් අවුරුද්දට නව ආලෝකයක් ලබා ගැනීම ,ඇස් පෙනීම ලේ ගමන ආදිය යහපත් වීමයි.

Taboo Subject -3 (කාම නිල ශාස්ත්‍රය)

  චන්ද්‍රයාගේ බලපෑම ස්ත්‍රී ශරීරය කෙරෙහි විශේෂ බලපෑමක් ඇති කරයි.මල්වරය,ඹපස් චක්‍රය ආදියට සම්බන්ධ ජ්‍යොතිෂ සිද්ධාන්ත ගොඩ නැගී ඇත්තේ චන්ද්‍රයා මුල් කොට ගෙනය.ස්ත්‍රියගේ කාම නිල සංකෝචනය ප්‍රසාරනය වීම සිදු වීමත් චන්ද්‍ර ගමන අනුව සිදුවේ.විවාහ දිවියේ ආරම්භක අවධියට වඩා කල් ගතවීමේදී තම සහකාරිය ලිංගික ඇසුරට යොමු කර ගැනීමට මහත් වෙහෙසක් ගත යුතු බවට බොහෝ ස්වාමි පුරුෂයන් මැසිවිලි නගති.චන්ද්‍ර ගමන අනුව ස්ත්‍රී සිරුරේ වඩාත් උද්චේදිත කාම නිල හදුනාගෙන පිරිමැදීමෙන් ස්පර්ශ කිරීමෙන් අප්‍රානික අකර්මන්‍ය ස්වභාවය වෙනස්කොට ලිංගික ඇසුරට අවනත බවක් කායික මානසික වශයෙන් වැඩි සතුටක් තෘප්තියක් ලැබිය හැකි බව ජ්‍යොතිෂය හා බැදී ඇති කාම නිල ශාස්ත්‍රෙය් දක්වා ඇත.

පුල කච්චන්නා..

 “පුල කච්චන්නා....පුල කච්චන්නා.... “

 මීට ස්වල්ප වේලාවකට පෙර තමන් පසු කරමින් පාර දිගේ දුව ගිය කොලුවා  කියමින් ගිය වචනය විදාගම මෛත්‍රී හිමිගේ සිතට තදින් වැදුනි.පිටුපස බලමින් කාටදෝ කියමින් දුවගිය කොළුවා පැවසූ වචනයට සමාන වචන කිහිපයක්ම තමා උගත් පෙරදිග භාෂාවන් කිහිපයකම යෙදෙන බව වහා මතකයට ආවත් කොලුවා පැවසූ වදන හුරු පුරුදු බවක් සමඟම නුහුරු ආගන්තුක බවක්ද උන්වහන්සේට ඇති කල සේක.

අවුරුදු කෝණ මාසය තුල නිවාස නැකැත් ගැනීම හොඳද?

සූර්යයා මිථුන,කන්‍යා,ධනු,මීන යන ද්විස්වභා(උභය) රාශිවල ගමන් කරන කාලය කෝණ දෝෂයෙන් යුක්තවේ.මෙම කෝණ දෝෂ ඇති මාසවල නිවාස ඉදිකිරීම් සම්බන්ධ කටයුතු විවාහ කටයුතු ආදී ශුභ කටයුතු කිරීම අසුභ බව පුරාණ ජ්‍යොතිෂආචාර්්‍ය මතයයි.

ග්‍රහ අපල සදහා ප්‍රතිකර්ම - රවි අපලයට

   ග්‍රහ ලොව පීතෘ ලෙස හැදින්වෙන රවි පෘථිවිය ඇතුළු සියළු ග්‍රහලෝක වල ජීවනාලියවේ.උනුසුම ආලෝකය,ආකර්ෂණය,ජීවය ලබාදේ.ජ්‍යොතිෂ ශාස්ත්‍රයේ සියළු කටයුතු රවි මුල්කොට ගෙනම සිදුවේ.ජීව බලය හා රෝග නාශක බලය පමනක් නොව දීර්ඝායුෂ,ප්‍රසිද්ධිය,බලය,ක්‍රියාසූරත්වය,ගෞරවය,අවබෝධ ඥානය ආදී සියළු උසස් ගති හිරුගෙන්ම ලැබේ.

විවාහ සහකාරියක් තෝරා ගැනීමේදී සඳු ගැන හොදින් බලන්න

 විවාහ සහකාරියක් තෝරා ගැනීමේදී ගැටවර වියේ සිටින අවිවාහක තරුණයෙකු බොහෝ විට සැලකිල්ල දක්වන්නේ හැඩකාර යෞවණියක් තෝරා ගැනීමට වුවත් වයසින් මුහුකුරා ගිය  පිරිමියකු සිය අනාගත සහකාරියගේ නැණ ගුණවත් කම පිළිබඳවත් වැඩි සැලකිල්ලක් දක්වයි.

විවාහය අතරමඟ බිඳ දමන යෝග හා බහු විවාහ යෝග

 විවාහ දිවිය අතරමඟදී බිඳ දමන හා විවාහ කීපයක් (බහු විවාහ) සිදු කරවන ජන්ම කේන්ද්‍රෙය් පිහිටා ඇති යෝග පිළිබඳව ජ්‍යොතිෂ පොත්පත්වල සඳහන්ය මෙවැනි යෝග කේන්ද්‍රවල පිහිටන ආකාරයත් ඒවා බල පැවැත්වෙන ආකාරය,යෝගයේ දෝෂ භංග වන ආකාරයත් ජ්‍යොත්ෂ මූල ග්‍රන්ථවල විස්තරාත්මකව සඳහන්ව ඇත.මෙවැනි යෝග පිහිටා ඇති කේන්ද්‍ර දුටු පමනින් ජන්මියාට ඒ පිළිබඳව දැන්වීමට පෙර හොදින් පරීක්ෂා කල යුතුය.ස්වාමි පුරුෂයා හෝ භාර්්‍යාවගේ උපන් කේන්ද්‍ර ග්‍රහ පිහිටීම අනුවද මෙම දෝෂ යෝග භංග වන අවස්ථා ඇත.එමෙන්ම මෙම දෝෂ ඉස්මතු වන කාලසීමාවන් ගැනද අවබෝධයක් වැටහීමක් ඇතිව ප්‍රකාශ කිරීමටද ජ්‍යොතිෂවේදියා  ප්‍රෙව්ශම් විය යුතුය.

අඩමානෙට කේන්ද්‍ර හැදීම හෙවත් ජ්‍යොතිෂය විනාශ කිරීම

අඩමානෙට කේන්ද්‍ර හැදීම හෙවත් ජ්‍යොතිෂය විනාශ කිරීම

 තමන්ගේ උපන් කේන්දු සටහන හදිසියේ නැතිවීම, ජන්ම කේන්‍දුයක් සාදා නොතිබීම ජන්ම වේලාව නිවැරදිව දැන නොසිටීම ආදී අවස්ථාවලදී නැවත ජන්ම කේන්‍ද්‍රයක් සාදා  ගැනීමේ ගැටළු ඉස්මතුවූවන් නිතර නිතර අප වැනි ජ්‍යොතිෂ වැඩ කරන්නන් සොයා පැමිනේ.මංගල කටයුත්තකදී අනෙකුත් පාර්ශ්වයෙන් පොරොන්දම් පරීක්ෂාව සඳහා ජන්ම කේන්ද්‍රය ඉල්ලා සිටීම,ගෙයක් සෑදීම සඳහා සුභ නැකැතක් තෝරා ගැනීම ආදී අවස්ථාවලදී එවැන්නන්ට මෙම ගැටළුවට මුහුණ දීමට සිදුවේ.

තොටගමු ගුරු හිමියනි මා මූසිලයකු නොවෙමි -වෑත්තෑවේ හිමි

    පුරාණ ලංකාවේ සත්කෝරළේ දිසාවේ කටුගම්පළ හත්පත්තුවේ මැදපත්තු කෝරළේ වෑත්තෑව නම් ගමකි.මේ ගමෙහි දුග්ගන්නා වලව්වේ දුග්ගන්නා රාළට දරුවන් කිහිප දෙනෙකි.පවුලේ බාල දරුවා වූ "අප්පුහාමි"කුඩා කල සිටම වැඩි කලබලයක් නැති කීකරු දරුවෙක් විය.ඉගෙනීමටද දක්ෂ‍කම් පෑ අප්පුහාමි පුතුගේ වැඩිදුර ඉගෙනුමට වඩාත් සුදුසු ස්ථානය එකල රටේ පමනක් නොව වෙනත් දේශ වලද ජාත්‍යන්තර සරසවියක් මෙන් ප්‍රසිද්ධ "විජයබා" පිරිවෙන බව වටහා ගත් දුග්ගන්නා රාල තම පුතුව තොටගමුවේ ශ්‍රී රාහුල හිමිගේ පරිවෙණාධිපතිත්වයෙන් යුක්ත වූ "විජයබා"පිරිවෙනට ඇතුලත් කලේය. ඉගෙනුමෙහි අති දක්ෂයෙකු වූ අප්පුහාම් වැඩි කල් නොගොස් රාහුල හිමියන්ගේ ප්‍රධානම ගිහි ගෝලයන් කිහිප දෙනා අතරට එක් විය.අනතුරුව රාහුල හිමිගේ ගුරු තත්ත්වයෙන් පැවිදි විය.පැවිදි වීමෙන් පසු "වෑත්තෑවේ හිමි" නාමය ලැබ රාහුල ගුරු හිමිගේ සමීපතම ගෝලයා බවට පත් විය. 

ජාතියේ පිනට පහල වූ උත්තමයා (අනගාරික ධර්මපාල තුමා)

                                                                  

    ශ්‍රී ලාංකික බෞද්ධ අපට අනගාරික ධර්මපාල තුමා පිළිබදව විශේෂ හැදින්වීමක් කිරීම අනවශ්‍යය.ජාතියේ පිනට පහල වූ උත්තමයකු වූ එතුමා නොසිටින්න ලංකාවේ පමනක් නොව ලෝකයේ වෙනත් රටවල් වලින් මේ වන විට බුදු දහම තුරන් වී ගොස්ය.අද වන විට ලොව පුරා විවිධ ජාතීන් පවා බුදු දහම කෙරෙහි අවධානය යොමු කර ඇත්තේ එදා ධර්මපාලතුමා දියත් කළ ශාසනික ධර්මදූත මෙහෙය නිසාමය. එතුමාගේ ධර්මදුත සේවය දෙවනි වන්නේ ඉන්දියාවේ අද්විතීය රජවරයෙකු වූ ධර්මාශෝක රජතුමා‍ගේ ධර්මදූත සේවයට පමණි.

මැණික්හින්නේ වශී ගුරුකම්

   කොම්පියුටරයෙන් කේන්දර බැලීම  

      දැන් දැන් රට වටේම සිටිනා සෑම ජ්‍යොතිෂවේදියකුම  වාගේ පරිගනක ජ්‍යොතිෂ මෘදුකාංග භාවිතා කරන අතර මෘදුකාංගය හැසිරවීම ගැන වැටහීමක් ඇති බොහෝ දෙනා ඉන් විපුල ප්‍රයොජන ලබා ගනිති.කාලෙන් කාලෙට අප්ඩේට් වෙමින් ලෝකයේ වැඩිම පිරිසක් භාවිතා කරන අන්තර්ජාලය හරහා නොමිලේ ලබා දෙන "ජගන්නාථ හෝරා" මෘදුකාංගය ඉතා හොදින් නිවැරදිව භාවිතා කරන්නෙකුට ජ්‍යොතිෂ ලිත් ,වගු,ගණක යන්ත්‍ර පමනක් නොව කඩදාසි පෑන් පැන්සල් පවා අනවශ්‍ය බව කවුදෝ කොතනකදෝ ලියා තිබුනා යාන්තමට මෙන් මතකය.

නවග්‍රහ ශාන්තිය.

   නවග්‍රහ ශාන්තිය.

ශුභ මුහුර්ථ සෑදීමේදී අත්හල යුතු දෝෂ කිහිපයක්

කල් වේලා ඇතිව සාදන මහා නක්ෂත්‍ර සුබ මුහුර්ථ සෑදීමේදී අනිවාර්යයෙන් සලකා බැලිය යුතු ශුභ කරුණුත් අත්හල යුතු අසුබ කරුණුත් මීට පෙර අවස්ථාවකදී දක්වන නමුත් මෙම ලිපියටද එම කරුනු සම්බන්ධ වන බැවින් ඒවා නැවත කෙටියෙන් සලකමු

වස් කවි - 2

 වස්කවි ලිවීම හා කියවීම යහපත් දෙයක් නොවේ.වස්කවි භාවිතා කරන්නේ වෙනත් අයකුට අයහපතක් කිරීමටය.මේ නිසාම වස් කවි යන වචනය පවා යමෙකුට බියක් චකිතයක් අප්‍රියතාවක් ඇති කරයි.වස් කවි වලින් සොරුන් දරුණු සතුරන් විනාශ කල ආකාර පිළිබඳව අතීත තොරතුරු වාර්තා වන අතරම ඉන් පරි බාහිරව ඉරිසියාව තරහ මත අහිංසක පුද්ගලයන්ගේ විනාශය සැලසීමටද වස්‌කවි යොදාගත් අවස්‌ථා ගැනද  තොරතුරු ඇත.